Heimagerð kotasæla
Sólveiga kom til mín og sýndi mér og kenndi hvernig gera á heimagerða kotasælu. Virkilega gaman og töluvert einfaldara að gera en að ég hélt.
Ég tók upp smá videsnap sem hægt er að horfa á inni á Kökur & bakstur hópnum inni á feisbók, sjá hér 
Kotasæluna er gott að nota ofan á gott brauð, t.d. súrdeigsbrauð en Sólveiga notar það reglulega í heimagert brauð, sjá uppskriftina af brauðinu hér
Uppskrift:
4 lítrar af mjólk
2 1/2-3 sítrónur (eftir stærð)
Þessi uppskrift gefur um 600 gr af Kotasælu
Pressið sítrónurnar
Setið mjólkina í pott og hitið að suðu (gætið þess að mjólkin má alls ekki sjóða!) því þá verður blandan eins og gúmmí.
Þegar þið sjáið að gufa er rétt að byrja koma þá bætið þið sítrónusafanum saman við varlega og hrærið jafnt í á meðan. Þegar mjólkin og sítróna blandast saman má sjá hvernig súrinn skreppur skreppur saman. Takið þá pottinn strax af hellunni.
Það sem þarf núna er 1.stk taubleyja og stórt sigti.
Komið bleyjunni vel fyrir inni í sigtinu og hellið svo blöndunni hægt og rólega í sigtið þar til allt er komið.
Lokið þá bleyjunni vel og hengið upp yfir vaskinum og látið vökvann leka niður yfir nóttina ef vill en það er líka hægt að pressa hægt og rólega (varlega) þar til enginn vökvi er eftir.
Kotasæluna er hægt að nota ofan á brauð, í brauð bakstur og það er líka hægt að bæta saman við kryddjurtum, salta lítillega og pipra, allt eftir smekk hvers og eins.
Þessi kotasæla er svipuð og Twarog sem er pólsk og fæst t.d. í Bónus
Súrdeigsbrauð með sólþurrkuðum tómötum, heimagerðri Kotasælu, skreytt með Vatnakarsa frá Lambhaga.
Takk kærlega elsku Sólveiga fyrir kennsluna og uppskriftina.
Dásamlegt ef deilt er áfram,,, fyrirfram þakklæti.
Vertu velkomin að koma og vera með í Köku & baksturs hópnum á facebook
Athugasemdir verða samþykktar áður en þær birtast.
Brauð í ofni með banana!
Það sem manni dettur í hug, já mér finnst bananar góðir í marga rétti, fiskrétti, ofan á pizzur, í boost, ofan á ristað brauð, einir og sér, í omelettur og núna í sneiðum ofan á brauð með osti og inn í ofn eða í Air Fryerinn. Skora á ykkur að prufa!
Samlokur & brunch réttir!
Hérna munu koma fleirri tillögur að samlokum og brunch réttum en fjölbreytileikinn er endalaus og allar tillögur frá ykkur eru meir en velkomnar.
Prótein vöfflur!
Hérna náði ég í 8 stk af ljúffengum próteinvöfflum. Mjög gott að setja hollt og gott álegg á þær eða hreinlega borða eintómar. Ég skellti þeim svo í ísskápinn og naut næstu daga á eftir en minnsta mál er líka að setja þær í frystinn og taka út eftir hendinni.
