Mexikóskt nauta lasagna!

March 07, 2024 2 Athugasemdir

Mexikóskt nauta lasagna
Fyrir stuttu síðan bjó ég til tortillu lasagna með kjúkling og það vakti þvílíka lukku að ég ákvað að búa til með nautahakki og það var hreint út sagt alveg frábært líka svo að ég ætla að gera fleirri með öðru hréfni og deila með ykkur fljótlega.


Hráefni:
1 pk af medium Tortillum
1 pk af nautahakki 500 gr
1 dós af Taco sósu medium 230 gr
1 dós af Taco sósu Hot 230 gr
1 dós af Nýrna baunum 400 gr
1 rauð paprika, niðurskorin
1 rauðlaukur, niðurskorinn
1-2 tómatar, skornir smátt niður
125 ml af rjóma

Steikið hakkið upp úr smá olíu. Bætið saman við svo rauðlauknum, paprikunni og tómat. Þar næst má bæta saman við Taco sósunum og í lokin rjómanum og nýrnabaununum.

Raðið tortillunum í eldfast mót og svo blöndu ofan á, svo koll af kolli og endið á réttinum og svo ost þar ofan á og setjið inn í ofn á 180°c í um 15-20 mínútur eða þar til osturinn er bráðinn. 

Skreytið að vild

Ég bar réttinn fram með Nachos og Ostasósu sem ég vona svo innilega að komi aftur á markaðinn en þetta var mín síðasta. 

Uppskrift og myndir:
Ingunn Mjöll

Verði ykkur að góðu.

Velkomið að deila áfram, hjartans þakkir fyrir það.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

2 Svör

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Kjötréttir