Lambalæri stutt!
Öðru hverju þá kaupir maður sér kjöt og nýtir þá góða afslætti sem stundum eru í búðunum. Hérna er ég með stutt lambalæri um það bil 2 kíló sem voru á tilboði í Bónus á haustmánuði og þá bíður maður í mat, afgangana nýtir maður svo vel og ég deili því hérna með ykkur hvernig.
Þetta læri gaf mér eina máltíð fyrir 3 í upphafi, síðan aðra fyrir einn þar sem ég setti afgangskjöt í brúnu sósuna. Restina af kjötinu skar ég niður í bita og blandaði saman við hrísgrjón ofl, sjá neðar, fyllti 8 stk af vefjum (Tortillur) og pakkaði hverri fyrir sig inn í álpappír, setti í frystipoka og frysti, 8 máltíðir þar fyrir mig eina t.d. og að lokum nýtti ég áfgangsfyllingun og setti hana í langlokubrauð og hitaði mér. Já hérna er hagsýna húsmóðirin svo sannarlega á ferð, allt nýtt, upp til agna!
Lærið kryddaði ég með kryddi frá By Artos, Spænskt Papriku S.P.G sem fæst hérna
Lærið setti ég svo í eldfast mót og inn í ofn á 180°c í um 70 mínútur, munið að snúa því
Ég sauð kartöflur meðalstórar í um 18.mínútur og þjappaði þeim svo niður í eldfast mót, kryddaði með Grænmetiskryddblöndunni frá Kryddhúsinu sem mér finnst æðisleg og stráði svo Parmesan osti ofan á og setti inn í ofn fyrir hliðina á lærinu þar til osturinn var bráðinn.
Dásamlega gott læri en smá ábending frá mér sem ég geri ávallt, ég tek allt lambakjöt út úr frystinum 5-6 dögum áður en ég ætla að nota það, því þá verður það alveg dásamlega meyrt og gott. mæli með.
Ég bar fram með kjötinu ferskt salat einnig og rjómasvappasósu án sveppanna.
1/2 líter matreiðslurjómi
2 sveppateningar
Smávegis smjörlíki til að bræða sveppateningana
Sósulitur, ég vil bara stundum fá að hafa sósuna svona brúna en honum má vissulega sleppa, svo gott að hafa þetta val.
Hérna brytjaði ég smávegis af kjötinu út í afgangssósuna með kartöflunum og hitaði upp 
Bar það svo fram með fersku salati deginum á eftir
Á þriðja degi þá skar ég niður allt kjötið af lærinu og setti saman við Indverska Korma sósu frá Patak's, bætti saman við það einum poka af soðnum hrísgrjónum, ásamt einni dós af skornum ananas og 1/2 rauðlauk. Hitaði þetta saman og setti svo í 8 vefjur og rúllaði þeim upp og lokaði. Setti hverja og eina í álpappír og svo öllum í frystipoka beint í frystinn, þarna bíða mín þá 8 máltíðir og restina af blöndunni sem eftir var setti ég inn í langlokubrauð, ásamt osti og Doritos og skellti því svo í Air fryerinn, sem sagt, ein máltíð í viðbót, snilldin ein!
Langloka með afgang, osti og Doritos flögum
Smellt í Air fryerinn í smá stund
Bræðingur
Skorið í tvennt og svo notið.
Gott líka að setja afganga í vefjur
Og bera fram með fersku salati og salat Veta teningum frá Live Food
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Kærar þakkir fyrir uppskrftirnar og hlakka til að nota þær. Sendi þét Hátíðarkveðjur og óskaþér farsældar og friðar.
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
Ingunn Mjöll
December 30, 2025
Hjartans þakkir Margrét. hátíðarkveðjur til þín sömuleiðis.
Með kveðju
Ingunn Mjöll/Islandsmjoll