Hamborgarhryggur
Þegar kemur að því að velja hamborgarhrygg fyrir hátíðarnar, páskana eða aðrar veislur þá má líka þessu við matartrúarbrögð því sumir kaupa bara t.d. Ali, aðrir Hagkaups, Nóatúns, Kea eða frá öðrum, gott og blessað en við pabbi völdum fyrir þessi jól SS hamborgahrygg, verður áhugavert.
Að matreiða Hamborgarhrygg
Fyrir 6 til 8:
2 - 2 ½ kg. hamborgarhryggur á beini
2 lárviðarlauf
kalt vatn
5 svört piparkorn
Ég ætla að bæta út í soðið þessi jól malt og appelsín og útbúa sósu úr soðinu.
Hryggurinn settur í pott ásamt laufunum og piparkornunum, köldu vatni hellt yfir þannig að fljóti vel yfir. Suðan látin koma hægt upp og soðið við væga suðu í u.þ.b. 40-45 mínútur á kílóið er mælt með nema annað sé tekið fram og þá er hann settur í eldfast mót, karamelluhjúpnum hellt yfir og kjötið bakað í 180° í u.þ.b. 10-15 mínútur eða þar til karamellan er fallega gullin.
Karamelluhjúpurinn:
1 1/4 bolli sykur
2 1/4 msk. sítrónusafi
2 1/4 msk. tómatsósa
11/4 msk. sætt sinnep
½ - 1 dl. rjómi
Mín útgáfa er púðursykur, hrært saman við SS sinnep og stundum nota ég Dijon.
Sykurinn bræddur ásamt sítrónusafanum á heitri pönnu þar til blandan fer að brúnast þá er tómatsósunni, sinnepinu og
rjómanum blandað saman við og allt soðið saman í nokkrar mínútur eða þar til blandan er orðin hæfilega teygjanleg eins og karamella.
Athugið að nota ekki allan hjúpinn á kjötið þar sem við þurfum u.þ.b1 dl. desilítra í sósuna.
Þá kemur Coca cola sósa; sérlega afbrigðilegt og spennandi !
1 dl. karamelluhjúpur
1 lítil kók
5 dl. soð af hamborgarhryggnum
kjötkraftur
sósujafnari
1 - 1½ dl. matreiðslurjómi
pipar - örl. sósulitur
Karamellan og kókið, ásamt soðinu af kjötinu soðið vel niður áður en sósan er smökkuð til, hún síðan lituð og þykkt.
Þegar það er búið er rjóminn settur samanvið og sósan soðin í fimm til tíu mínútur við væga suðu eða þar til fallegum gljáa er náð.
En það er líka hægt að hafa hefðbundna Rjómasveppasósu
Meðlæti:
Nýsoðið grænmeti, heimagert rauðkál og pönnusteiktar kartöflur
eða kartöflubátar steiktir í ofni, brúnaðar kartöflur... eða bara soðnar kartöflur.
Þessa uppskrift er einnig hægt að nota með bayonneskinku.
Njótið og deilið að vild.
Vertu velkomin að koma og vera með í Heimilismatur hópnum á feisbókinni
Athugasemd mín er sú að þú ert frábær :-)
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
Ingunn Mjöll
April 19, 2020
Takk kærlega fyrir fallega umsögn ❤️