Rjómalöguð sveppasósa
Eðalsósa með hvaða hátíðarmat sem er. Þessa dekkti ég töluvert mikið en mér finnst mjög misjafnt eftir því hvaða mat ég er að bera fram, hvað dökka sósuna ég vil hafa en maður stjórnar því svolítið sjálfur með sósulitnum.
1.Matreiðslurjómi
1/2 lítri mjólk
50 gr smjörlíki
2.sveppateningar
Sveppir ferskir
Sósulitur
Maizena mjöl
Bræðið smjörlíki og látið sveppateningana bráðna með.
Bætið þá saman við rjómanum hægt og rólega og jafnið vel út, bætið svo við ca. hálfum lítra af mjólk ef það eru margir gestir til að drýgja sósuna betur.
Skerið sveppina í hæfilegar sneiðar eða báta og setjið útí og látið malla þar til þeir eru farnir að mýkjast vel upp. Hrærið reglulega í sósunni.
Áður en bera á sósuna fram þá nota ég maizena mjöl til að þykkja hana aðeins til og set sósulit saman við þar til ég er ánægð með þann lit sem ég vil hafa á henni. Ef ykkur finnst vanta smá meira bragð þá má bæta saman við hana líka smá kjötkrafti.
Þessa sósu geri ég um hver jól í hádeginu og þegar hún er tilbúin þá slekk ég undir og geymi hana þar til um kvöldið en þá hita ég hana upp, þykki og set litinn.
Deilist eins og vindurinn,,,
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
