Laxabrauðréttur
Einn af þessum réttum sem ég hef ætlað að gera í langan tíma.
Virkilega góður kaldur réttur sem ég reyndar útfærði á minn hátt með því að setja í hann Svövu sinnepið og setja hann í smjördeigshring sem ég keypti að þessu sinni af Hérastubbs bakaranum frá Grindavík.
1 dós sýrður rjómi
3 msk. majónes
2 tsk. Svava Sinnep sterkt/sætt
1 tsk. hunang
1 tsk. timjan
300 gr. reyktur lax
4 stk. harðsoðin egg
1/2 rauð paprika
1/2 laukur
1 lítil dós ananaskurl
1/2 formbrauð/Smjördeigshring /ég notaði smjördeigshring sem kom mjög vel út.
Ég mæli með því að það sé sett á botninn deginum áður en á að bera hann fram svo að hann nái að mýkjast. 
Hrærið samna sýrðum rjóma, majónesi og 3-4 msk af ananassafa.
Blandið sinnepi og hunangi samanvið og kryddinu.
Skerið laxinn, paprikuna og eggin í grófa bita.
Saxið laukinn smátt og blandið saman við ásamt ananaskurlinu.
Rífið brauðið niður og blandið öllu saman.
Gott eitt og sér eða með ristuðu brauði. 
Skerið laxinn, paprikuna og eggin í grófa bita.
Saxið laukinn smátt og blandið saman við ásamt ananaskurlinu.
Fyllið smjördeigshringinn og skreytið að vild
Smjördeigshringir fást í þessum bakaríium:
Smjördeigs hringina er hægt að fá t.d.
Björnsbakarí
Hérastubbur í Grindavík (hægt að panta og sækja í Kópavoginn eins og er)
Reynisbakarí
Sauðakróksbakarí
Dásamlegt ef deilt er áfram og svo finnur þú síðuna líka á Instagram
Vertu velkomin að koma og vera með Brauðtertur & heitir réttir hópnum á feisbók
Hvar fæst þetta sinnep?
Athugasemdir verða samþykktar áður en þær birtast.
Ingunn Mjöll
November 09, 2024
Sæl/l
Svava sinnepið fæst víða á landinu.
Á höfuðborgarsvæðinu þá fæst það í Melabúðinni, Hagkaupsverslununum,
Taste of Iceland á Laugavegi, Kjöthöllinni, Nomad á Laugavegi og svo í Gömlu Matarbúðinni
Austurvegi í Hafnarfirði.
Á landsbyggðinni:
Ljómalind Borgarnesi, Skjálfti Reykholti í Borgarfirði, Hagkaup á Akureyri,
Hús handanna á Egilsstöðum, Made in Iceland á Selfossi og Kjötbúrið á Selfossi.
Svava er síðan á hinum ýmsu matarmörkuðum víðsvegar um landið og kynnir það reglulega í matvörubúðum, best að fylgja henni á feisbókinni https://www.facebook.com/svavasinnep því þar auglýsir hún ávallt hvar hún verður að kynna og svo hefur hún verið á Matarmarkaði Íslands sem haldinn er reglulega í Hörpu og verður sá markaður næst 14 og 15.desember.
Með bestu kveðju
Ingunn Mjöll/Islandsmjoll