Beikon brauðterta heit!
Landinn elskar brauðtertur og heita brauðrétti af öllu tagi og úrvalið er alveg ótrúlega gott og mikið en svo er líka alltaf hægt að skella í sína eigin út frá því hvað er til og hérna er ein slík. Þessa bauð ég upp á með kaffinu á sunnudegi ásamt nýbökuðum vöfflum með rjóma.
Byrjið á að setja beikonið inn í ofn á 180°c í um 20 mínútur, snúið því við á miðjum tímanum. Setjið beikonið svo á eldhúspappír til að ná mestu fitunni af.
1 rúllutertubrauð
1 dós af grænum aspas
8-10 beikonsneiðar, grillaðar í ofni á smjörpappír
1 dós af Creamy Aspas súpu frá Campell's
1 askja af Smurosti með Blaðlauk og lauk (hægt að nota aðrar tegundir líka)
1/2 paprika, ég notaði gula
Rifinn mosarella ostur
Grísk jógúrt til að smyrja aðeins ofaná brauðið
Setjið aspassúpuna í pott og hitið upp, bætið saman við smurostinum, asapas og smá safa með, paprikunni og beikoni, látið hitna og blandast vel saman.
Rúllið brauðinu út og setjið fyllinguna jafnt ofan á
Smyrjið ofan á brauðið með grískri jógúrt 
Og setjið svo rifna ostinn ofan á
Setjið í miðjan ofninn á 180°c í um 20-25 mínútur ef fyllingin hefur kólnað annars 15-20 mínútur eða þar til osturinn er bráðinn.
Gott er að fylgast vel með svo osturinn verði ekki of mikið bakaður
Þessa blöndu bauð ég upp á með sunnudags kaffinu, heita brauðtertu og vöfflur með rjóma.
Gott að gæða sér á afganginum daginn eftir og skella þér annað hvort í Air fryer eða örbylgjuofninn.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með Brauðtertur & heitir réttir hópnum á feisbók
EÐA
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Rækjuréttur kaldur!
Þegar brauðtertu brauðið molnar allt niður þá sér maður nú við því og skellir bara í brauðtertu rétt í fati og skreytir.
