Vorrúllur thailenskar 50-60 stk.
Þessa uppskift fékk ég fyrir mörgum árum síðan hjá vinkonu og var hún oft gerð hérna á árum áður og nú þarf maður heldur betur að fara smella í eina uppskrift eða tvær og eiga í frystinum, flott fyrir hagsýna
1.kíló svínahakk (má alveg nota annað hráefni að eigin vali)
1/2 haus af hvítkáli
2 stilkar af sellerí
3-4 gulrætur
2-3 laukar
1 hvítlaukur
1 tsk þriðja kryddið (ef það er þá til ennþá)
garlic powder og garlic salt blandað saman eftir smekk
50-60 plötur af fíló degi (finnur það í frysti í flestum búðum)
eggjahvíta til að loka rúllunum
Steikið kjötið, nota má smá olíu en kjötsafinn sér alveg um vökvann líka.
Saxið allt hráefnið smátt niður og bætið út í pottinn með kjötinu og kryddið svo eftir smekk. Gott er að leyfa þessu að malla í alveg klukkutíma til tvo og svo látið kólna smá stund áður en það er sett í fíló degið, rúllið upp og pennslið með eggjahvítunni til að loka rúllunum.
Þetta má djúpsteikja, steikja á pönnu eða setja inn í ofn og berið svo fram með hrísgjónum og súrsætri sósu.
Ath. að það má frysta rúllurnar og það er gott að frysta í þeim skömmtum sem þið teljið ykkur nota í hvert sinn.
Vertu velkomin að koma og vera með Brauðtertur & heitir réttir hópnum á feisbók
EÐA
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Rauðrófugrafinn lax með piparrótarsósu!
Uppskrift að hætti Salt eldhússins en þau gáfu mér góðfúslegt leyfi til að deila með ykkur einni af uppskriftunum frá námskeiðinu sem ég fór á hjá þeim sem var alveg hreint æðislegt og ég valdi að deila þessari með ykkur. Lesa má um námskeiðið sem ég fór á sem bar nafnið Jólahlaðborð hérna
Eðla! (Ostagums)
Einn af þessum vinsælu réttum sem margir elska að gæða sér á yfir sjónvarpinu og í veislum. Sósan getur verið ansi mismunandi og ég persónulega elska að prufa nýjar með, þá bæði sterkar, mildar, fjölbreyttar tegundir sem eru í boði en rjómaosturinn er þó ávallt grunnurinn og rifni osturinn yfir.
Beikonloka!
Heimagerðar langlokur eru alltaf svo góðar og við getum svo leikið okkur að innihaldinu og hérna er ég með beikon, egg, maiz, salat og pítusósu.
