Veisluspjót
Alltaf gaman að útbúa sjálf/ur matinn í veisluna ef maður hefur tíma og getur það. Gæti meira segja verið gaman að hóa saman fjölskyldunni eða vinunum og útbúa svona saman og njóta þess svo að borða saman.
Hérna eru nokkrar hugmyndir sem hægt er að gera t.d.
Sjávarréttaspjót
Léttsteikið túnfisk, skerið i hæfilega bita og marinerið í soja, ferskum hvítlauk, ólífuolíu og saxaðri steinselju.
Risa hörpuskel er léttsteikt á pönnu skorin í tvo bita ef þurfa þykir, krydduð með grófum pipar, límesafa og rifnum limeberki í ólívuolíu, salti og saxaðri steinselju.
Tiger-rækja er soðin og marineruð í olífuolíu, söxuðu dilli og smá hvítvíni og salti.
Humar er steiktur í ofni, kryddaður með hvítlaukssmjöri, smá hvítlauk og steinselju.
Dádýr, lamb eða nautakjöt steikt létt í ofni, kælt og skorið í sneiðar, marinerað m/teriyaki-sósu og rúllað upp.
Lambaspjót
Lambalund er velt upp úr teriaky-sósu í klukkutíma, sett upp á spjót og steikt í ofni í níu mínútur á 190°c.
Kjúklingaspjót:
Kjúklingalundir marineraðar í olíu og tandooríkryddi í klukkutíma, þræddar á spjót og steiktar í ofni í níu mínútur við 190°c.
Sósur:
Sýrður rjómi, rifinn limebörkur og sítrónupipar
Deilið með gleði...
Ljósmyndir:Ingunn Mjöll
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Brauð í ofni með banana!
Það sem manni dettur í hug, já mér finnst bananar góðir í marga rétti, fiskrétti, ofan á pizzur, í boost, ofan á ristað brauð, einir og sér, í omelettur og núna í sneiðum ofan á brauð með osti og inn í ofn eða í Air Fryerinn. Skora á ykkur að prufa!
Samlokur & brunch réttir!
Hérna munu koma fleirri tillögur að samlokum og brunch réttum en fjölbreytileikinn er endalaus og allar tillögur frá ykkur eru meir en velkomnar.
Prótein vöfflur!
Hérna náði ég í 8 stk af ljúffengum próteinvöfflum. Mjög gott að setja hollt og gott álegg á þær eða hreinlega borða eintómar. Ég skellti þeim svo í ísskápinn og naut næstu daga á eftir en minnsta mál er líka að setja þær í frystinn og taka út eftir hendinni.
