Túnfisk tortilla
Einstaklega ljúffeng og skemmtileg tilbreyting að nota túnfisk í staðinn fyrir þetta hefðbundna eins og kjúkling og nautahakk. Núna er bara að prufa sig áfram í fleirri útfærslum. En ég mæli virkilega með þessari, hún var mjög góð.
1 dós af túnfisk með vatni
1/2 dós (ca 150 gr) maizkorn
1-2 dl af Heinz majonesi
6-8 litlir tómatar, smátt skornir
1-2 lúkur af spínatsalati frá Lambaga
1-2 dl mosarella ostur
Tortillur litlar/stórar (ég notaði 5 litlar og setti 1 1/2 í frystinn til að eiga síðar)
Fyrir fleirri þá er bara að stækka uppskriftina.
Setjið tortillu á pönnu og kveikið undir með vægum hita og stráið ostinum yfir
Hrærið saman majonesi, túnfisk og maiz og setjið ofan á ostinn
Bætið svo tómatinum þar ofan á
Síðan spínatinu
Og að lokum smá af ostinum þar ofan á og lokið með annarri tortillu. Passið að hafa lágan hita svo að það brenni ekki og fylgist vel með. Snúið henni svo við og hitið áfram þar til tortillan er orðin gullinbrún og osturinn hefur bráðnar.
Berið hana fram heila
Eða skerið hana í tvennt og njótið vel. Hægt er að bera fram salat eða nachos.
Ég pakkaði svo inn þessum auka í álpappír og frystipoka og á þar til síðar. Hagsýna húsmóðirin alltaf.
Njótið þess að deila uppskriftinni áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
