Smurrebrod
Ég elska smurt brauð, það gerir hann pabbi minn líka enda hann sem kom mér uppá það. Það var mjög vinsælt að panta smurt brauð á Smurbrauðsstofunni Björninn sem var staðsett á Njálsgötunni hér á árum áður og uppáhaldið okkar pabba var að kaupa okkur Landgang! Já hvað var nú það, Landgangur, jú þetta voru 3 brauðsneiðar lagðar í rönd (landgang) og þú gast valið 3 mismunandi tegunir, uppáhaldið okkar pabba var hangikjöt, rækjur og rostbeef og skiptum við þessu svo á milli okkar, hálf á mann.
Þegar ég var komin með bílpróf þá sendir pabbi mig að sækja Landgang handa okkur og ég panta þegar komið var á staðinn, því það var alltaf smurt á staðnum en þá vildi svo til að það voru nýjir eigendur að mig minnir og starfstúlkan hafði aldrei heyrt minnst á þennan fræga Landgang en ég útskýrði fyrir henni hvernig þetta væri og hún sagði það nú lítið mál að redda þessu fyrir okkur og kemur svo að vörmu spori með herlegheitin, ja nema þetta var ekki alveg eins og ég hafði útskýrt fyrir henni og hafði hún smurt hverja fyrir sig og svo staflaði hún bara hverri ofan á aðra, haha, já blessaður Landgangurinn!
En hérna koma uppskriftir af nokkrum smurbrauðum.
Rækjur.
Fransbrauð skorið undan hringlaga móti, smurt með smjöri eða majones.
Rækjum raðað á brauðið (það á ekki að sjást í brauðið).
Skreytt með majones, sítrónu, kavíar, tómötum og steinselju.
Reyktur lax.
Fransbrauð skorið undan hringlaga móti, smurt með smjöri eða majones.
Laxinn skorinn í þunnar sneiðar og settur þannig á sneiðina að hann rísi upp í miðjunni og passað að hann hylji brauðið.
Skreytt með hrærðu eggi, aspas, tómötum, ólífum, steinselju, dilli og papriku.
Hangikjöt
Heilhveiti- eða maltbrauð sem búið er að fjarlægja skorpuna af er smurt,
kjötsneiðum er raðað ofan á og skorið í ferning, síðan í tvennt þannig að myndi þríhyrning.
Skreytt með ítölskusalati, ca. 1 tsk. á hverja sneið, gúrkusneiðum, gulrótum, tómötum, sveskjum, vínberjum, aspas, mandarínubátum, harðsoðnu eggi og steinselju.
Skinka
Heilhveiti- eða maltbrauð sem búið er að fjarlægja skorpuna af er smurt, kjötsneiðum er raðað ofan á og skorið í ferninga,
síðan í tvennt þannig að myndi þríhyrning.
Skreytt með ávaxtasalati, ítölskusalati, ananas, koktelberjum, smáttskornum ávöxtum, gúrku, steinselju og sveskju
Roastbeef
Maltbrauð er smurt, kjötsneiðum er raðað ofan á og skorið í ferninga, síðan í tvennt þannig að myndi þríhyrning.
Skreytt með remolaði, steiktum lauk, tómat, ferskju, sýrðri agúrku, papriku, sveskjum, svörtum ólífum og steinselju.
Síld
Hveiti- heilhveiti- eða maltbrauð, er smurt eggjasneiðum raðað ofan á,
skreytt með síld (marenaðri- eða kryddsíld), agúrku, tómötum, ólífum, steinselju og dilli.
Uppskriftir frá Gulla
Vertu velkomin að koma og vera með Brauðtertur & heitir réttir hópnum á feisbók
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Brauð í ofni með banana!
Það sem manni dettur í hug, já mér finnst bananar góðir í marga rétti, fiskrétti, ofan á pizzur, í boost, ofan á ristað brauð, einir og sér, í omelettur og núna í sneiðum ofan á brauð með osti og inn í ofn eða í Air Fryerinn. Skora á ykkur að prufa!
Samlokur & brunch réttir!
Hérna munu koma fleirri tillögur að samlokum og brunch réttum en fjölbreytileikinn er endalaus og allar tillögur frá ykkur eru meir en velkomnar.
Prótein vöfflur!
Hérna náði ég í 8 stk af ljúffengum próteinvöfflum. Mjög gott að setja hollt og gott álegg á þær eða hreinlega borða eintómar. Ég skellti þeim svo í ísskápinn og naut næstu daga á eftir en minnsta mál er líka að setja þær í frystinn og taka út eftir hendinni.
