Hangikjöts tartalettur
Hérna kemur mín útgáfa að tartalettum með afganginum af hangikjötinu, baununum, sósunni og kartöflunum.
Notið afganginn af sósunni með kartöflunum. Skerið karftöflurnar í smá bita ofan í sósunni og bætið svo baununum saman við, ég bætti bæði við afganginum af hituðu baununum og einni dós í viðbót. Skerið kjötið niður smátt og bætið við líka og til að þynna sósuna rétt aðeins bætið saman við mjólk og svo er gott að setja smá pipar úr kvörn saman við. 
Raðið tartalettunum á ofnplötu, gott að setja undir smjörpappír.
Fyllið tartaletturnar jafnt og bætið svo rifnum osti ofan á og setjið inn í ofn á u 180 gráður þar til osturinn er bráðinn. 
Njótið vel og deilið að vild.
Uppskrift og jósmyndir Ingunn Mjöll
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
