Brauðsneiðar í ofni

April 02, 2021

Brauðsneiðar í ofni

Brauðsneiðar í ofni
Margir þekkja hinar sígildu útgáfur af brauð í ofni með áleggi eins og skinku, hangikjöti, bökuðum baunum ofl með osti ofan á og hitað í ofni en þegar ég setti inn mynd af brauðsneiðum með hangikjöti og osti á Heimilismatur grúppuna mína um daginn þá komu ansi margar skemmtilegar og áhugaverðar útgáfur í ljós sem ég ætla að setja hérna saman fyrir okkur öll til að geta gripið í og skoðað, prufað og notið og það ættu allir að finna sér sína eigin útgáfu, já og prufa nýjar að sjálfsögðu, ég skora allavega á ykkur að prufa eitthvað af þessum nýju og ef þið gerið það, þá má endilega deila því með okkur á síðunni.

Ég spurði hópinn hvort hann kannaðist við mína útgáfu, hangikjöt og ostur ofan á brauð sem er smurt með smjöri/smjörva áður og sett svo inn í ofn þar til osturinn er gullinbrúnn og það lá ekki á svörunum og útgáfum annarra.

Hérna koma nokkrar útgáfunum frá fleirrum, skemmtilega áhugaverðar margar.

Hangikjöt aspas og ostur
Laukur, tómatsósa og ostur
Skinku og tómötum
Bakaðar baunir og remúlaði, remúlaði smurt á brauðið svo baunir og ostur.
Skinka, ananas og ostur.
Skinka, aspas og ostur.
Rauðkál og ostur, rauðkál ofan á brauðið og ostur yfir svo það sé alveg á hreinu.
Brauð, kartöflumús, barbeque sósa og ostur sett í örbylgjuna/ofn.
Bakaðar baunir og ostur.
Tómatsósa og ostur, einfalt og alltaf jafn gott, ekta fyrir krakkana.
Brauð, hangikjöt, ostur og kokteilsósa, ansi frumleg þessi.
Skinka, bakaðar baunir og ostur.
Bjúgu, tómatsósa og ostur. Já sæll (tómatsósa sett á brauðið, bjúgun skorin í sneiðar og raðað á brauðið og ostur yfir og inn í ofn.
Samloka í grilli eða á kamínu með hangikjöti og osti.
      
Og ein frumleg sem ég varð bara að smakka strax!
Brauð, sardínur í dós með tómatsósu, stappað á brauð sem hefur verið smurt með smjöri fyrst og svo ostur ofaná og inn í ofn. Smakkaðist vel.

Njótið & deilið



Einnig í Smáréttir

Píta með buffi eða fisk
Píta með buffi eða fisk

June 24, 2021

Píta með buffi
Ég er mjög hrifin af pítum og datt heldur betur í lukkupottinn þegar ég fann bestu pítubrauðin að mínu mati í Fjarðarkaup en þau koma frá Passion bakaríinu

Halda áfram að lesa

Fiskborgari með remolaði
Fiskborgari með remolaði

June 17, 2021

Fiskborgari með remolaði 
Þessi var svo sannarlega ljúffengur með remolaði, steiktum lauk og gúrkusalati.

Halda áfram að lesa

Fiskborgari
Fiskborgari

June 17, 2021

Fiskborgari
Ofureinfaldur og fljótlegur, beint á pönnuna. 
Það þarf ekki alltaf að flækja hlutina alla daga, suma daga má hafa þetta 

Halda áfram að lesa