Toro Pizza partý
1 pakki af Toro ítölsku pizza blöndunni kom mér verulega á óvart, svakalega einfalt en aðeins þurfti að bæta saman við vatni og olíu og það sem meira er að þetta dugði í heilan helling af allsskonar sem ég bjó mér til.
Samkvæmt pakkanum á blandan að duga í ca.4 pizzur. Ég ákvað að gera eina stóra pizzu með pepperóní, eina ca.12" með Parmaskinku, rucola, rifnum Primadonna osti og toppurinn ofan á var Döðlumaukið frá Anna Marta & Lovísa, sjúklega góð blanda! Þriðja útgáfan var svo einsskonar pizzahringur með pepperoní og osti. 
Grunnurinn er einfaldur, 1 pakki af Toro ítölsku pizzablöndunni, vatn og olía.
Hnoðið samkvæmt leiðbeiningum og látið hefast. Ég notaði svo 1/2 af deginu í Pepperoní pizzuna nr.1
Fletjið út, gott að hafa svona mottu með mælikvarða, keypti þessa í Ikea.
Pizzan var ca 14"
Fyrsta pizzan va með pepperoní. Ég setti ost í kanntinn, sjá mynd og pizzasósu
Fyllti hana svo af pepperoní
Stráði svo ostablöndunni yfir og kryddaði smá með pizzakryddi
Bökuð svo inn í ofni á 180°c í 20-25 mínútur eða þar til hún er orðin gullinbrún
Pizzahringur nr.2
Flatti út 1/4 af deiginu, var um ca 11". Setti ofan á pizzasósu, pepperóní og ostablöndu og rúllaði henni svo upp og sett í hring.
Setti svo pizza hringinn inn í ofn á um það bil 25-30 mínútur eða þar til ég sá að hún var tilbúin. Hitinn 180°c
Hlakka til að prufa þennan en hann fór í frystinn þar til síðar.
Ég byrjaði á að fletja út síðasta hlutann af pizzadeiginu og setti ofan á pizzasósuna og ostinn og inn í ofn á 180°c í um 20 mín og tók hana þá út.
Þá bætti ég ofan á pizzuna parmaskinku, rucola frá Lambhaga og rifnum Primadonna osti sem ég hreinlega elska. Og að lokum þá toppaði ég pizzuna með Döðlumauki frá Anna Marta og Lovísa sem var algjört æði.
Klettasalat/Rucola frá Lambhaga
Þvílíka pizzaveislan sem hægt er að útbúa úr einum pakka af Toro blöndunni!
En eins og ég sagði hér að ofan þá gæddi mér á Parmaskinku pizzunni og hitt fór í frystinn minn og það verður veisla einn daginn þegar það verður tekið út og smellt í ofninn, það er svo gott að eiga svona til góða og auðvelt að bjóða þá börnunum í mat sem elska Pepperoní.
Ég mun pottþétt kaupa þessa blöndu aftur og slá upp veislu.
Uppskrift og myndir
Ingunn Mjöll
Deilið með gleði,,,,
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Toro réttur með nýrnabaunum!
Áfram heldur einfaldleikinn svona inn á milli, Toro mix og nýrnabaunir sem var einstaklega ljúffengur réttur fyrir þá sem eru hrifnir af hversskonar baunum. Hægt er að nota flestar tegundir bauna í hann þennan og má þá nefna t.d. Nýrnabaunir, Svartar baunir, kjúklingabaunir og Smjörbaunir.
Grænmetis pizza!
Þetta þarf ekkert að vera flókið því ef maður er enginn snillingur í að útbúa súrdeigspizzadeig þá fer maður bara og kaupir það tilbúið. Í þetta sinn þá fór ég á Flatey pizza og keypti mér tilbúið deig og tók með heim. Fékk létta kennslu í hvernig best væri að fletja það út, svona með höndunum og var bent á að það væri betra fyrir byrjendur að hafa deigið kalt.
Pizzahringur!
Hátíðlegur snúningur fyrir jólin að skella í eins og einn eða tvo pizzahringi. Hérna er ég með tómata, ferskar mozzarella kúlur og basilíku en einfalt er að setja á hringinn það sem ykkur langar til.
