Pizza með hráskinku

September 06, 2021

Pizza með hráskinku
Þessi er algjörlega mín uppáhalds og hefur verið alveg síðan ég fór til Ítalíu 2004 og kynntist þeim þar. Í þessari reyndar setti ég ost í allan hringinn svona til að poppa hana upp.

Ég notaði tilbúna pizzakúlu (kaupi reglulega í fjáröflun þegar vinir eru að selja fyrir börnin sín, 10 kúlur saman og mæli með þeim) Ég tók hana út úr frysti að hádegi og lét hana í skál á borðið og plast yfir hana til að láta hana hefast og hún gerði það líka svona listavel en hér má líka finna uppskrift af pizzadeigi:

Pizzadeig: 
225 g hveiti 
1 pakki þurrger 
1/2 tsk salt 
2 msk ólífuolía 
5 msk volgt vatn 
1 egg 

Hráskinka
Pizzasósa
Mosarellaostur
Rucola
Parmesan ostur
     

Öllu blandað saman og hnoðað vel, látið hefast á hlýjum stað. 
Mótið botninn úr deiginu og setjið á smurða bökunarplötu. 
Breiðið ofan á degið og látið standa í 10 mínútur áður en fyllingin er sett á. 
     
Fletjið deigið út og setjið pizzasósuna yfir og stráið mozarella osti ofan á og inn í hringinn í þessu tilfelli fyrir þá sem vilja og setjið inn í ofn á 180°c þar til gullinbrúnt og takið þá út og raðið hráskinkunni ofan á og rucola, ásamt rifnum Parmesan osti og njótið svo veislunnar.

Deilið með gleði.

---

---

Einnig í Pasta & pizzur