Humarpizza

May 01, 2021

Humarpizza 
Ég var með nokkra vini í mat fyrir stuttu síðan og bauð þeim upp á alveg æðislega humarpizzu sem var alls ekki flókin, ja fyrir utan kannski að snyrta humarinn.

1-2 kíló af skelfléttum humar
Pizzasósa
Rucola
Rifinn Parmesan ostur eða Primadonna

Hvítlauksolía
Olía
Hvítlauksrif
Hvítlaukssalt
Hvítlauksduft
Smátt skorin steinselja eða þurrkuð

Pizzadeig
Ég notaði tilbúnar pizzadeig kúlur og flatti út en hægt er að nota tilbúið deig sem fæst í búðunum eða útbúa sitt eigið deig.

Pizzadeig: 
225 g hveiti 
1 pakki þurrger 
1/2 tsk salt 
2 msk ólífuolía 
5 msk volgt vatn 
1 egg 

Öllu blandað saman og hnoðað vel, látið hefast á hlýjum stað. 
Mótið botninn úr deiginu og setjið á smurða bökunarplötu. 
Breiðið ofan á degið og látið standa í 10 mínútur áður en fyllingin er sett á. 

Fletjið deigið út og setjið pizzasósuna yfir og stráið mozarella osti ofan á og setjið inn í ofn á 180°c þar til gullinbrúnt og takið þá út og raðið humrinum ofan á og rucola, ásamt rifnum Parmesan osti.

Humarinn er steiktur létt á pönnu í smjöri.
Skerið smátt niður hvítlauks rif og stráið yfir og veltið svo humrinum létt á og kryddið með salt og pipar.

Borið fram með góðu hvítvíni. Ég var með Tommasi hvítvín sem var alveg eðal.

Njótið & deilið að vild.

 

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Pasta & pizzur