Carbonara tagliatelle pasta
Einstaklega góður réttur og auðveldari en maður heldur að búa hann til.
Ég mun gera þennan aftur fljótlega og prufa þá annarsskonar pasta/spagettí og jafnvel annað hráefni eins og skinku, risarækjur eða kjúkling.
400-500 g Tagliatelle pasta
200-300 g beikon, fínt að setja það á bökunarpappír og inn ofn
1 laukur, saxaður
2-3 hvítlauksgeirar,kurlaðir (má sleppa)
2 egg
1 peli rjómi / matreiðslurjómi
50-100 g parmasen ostur
salt og svartur pipar 
Tagliatelle pasta soðið samkvæmt leiðbeiningum á pakkningunni 
Setjið beikonið á bökunarpappír og inn ofn á 180°c í ca 8 mínútur á hvorri hlið
Steikið laukinn lítilega eða þar til hann er orðinn mjúkur. 
Eggjum, rjóma og parmasen hrært saman í skál.
Bragðbætt með pipar og salti ef þarf.
Smakka til. ( Ath. parmesanostur og beikon gefa nokkurt salt) 
Saxið niður smá af ferskri steinselju til að skreyta með ef vill, má sleppa.
Soðnu Tagliatelle hellt í sigti. Hitin lækkaður undir pönnunni.
Síðan er pastanu rennt út í pönnuna með beikoninu
og eggjahrærunni hrært síðast saman við. 
Verði ykkur að góðu
Með pastanu var ég þarna með Aioli sem ég keypti hjá Kryddhúsinu og snittubrauð sem ég rétt hitaði upp inn í ofni.
Ég stráði svo meira af Parmesan ostinum yfir pastað mitt.
Alltaf dásamlegt þegar deilt er áfram, fyrirfram þakklæti.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
