Háls í Kjós - Beint frá býli!
Ég skellti mér í laugardags-bíltúr í kjósina í sumar til að skoða það sem í boði var hjá þeim hjá Háls í Kjós en það hefur aukist til muna að fólk sé farið að kaupa beint frá býli og ég engin undartekning þar á enda gæðakjöt í boði á betra verði.
Það er bara nokkuð gott að fá sér helgarbíltúr í Kjósina og gera sér jafnvel dagamun í leiðinni enda hefur fjörðurinn upp á margt að bjóða og alveg dásamlega fallega náttúru fyrir ljósmynda áhugasama eins og mig.
Lisa Boije af Gennaes og Þórarinn Jónsson og eru bændurnir á bænum. Þórarinn er alinn upp á Hálsi en Lisa er frá Bern í Sviss.
En snúum okkur að kjötinu sem hægt er að versla sér þarna, því úrvalið er mjög mikið og ég ætla bara að láta myndirnar segja sína sögu um það og þar sjáið þið með berum augum það sem í boði er og meira til.
Hérna er svo ein uppskrift frá mér sem ég gerði með Entrecote steik sem ég keypti hjá þeim, æðislega góð steik. Sjá uppskriftina
Litla sveitabúðin þeirra...
Þarna fæst bæði ferskt kjöt ófrosið, eins og Entrecote, Rib eye, Leðurblaka, Trip Tip og Hælsteik. Ég verð að viðurkenna að ég er ekki alveg kunnug þarna Leðurblökunni né Tri Tip, fræðist um það í næstu ferð minni þangað.
Fullt af frosnu kjöti líka eins og Osso Buco, Short Ribs, Stroganoff, Kúlottu, Kalbi, Innanlæri og Carpaccio
Hakk og hamborgarar
Þarna er líka hægt að kaupa sér sælkeravörur frá Tariello en þetta truflupasta þarna kom með mér heim ásamt fullt af öðru sem ég verslaði mér. Pastað var himneskt og ég bjó til uppskrift með því sem má sjá hérna
Þetta er það sem ég verslaði mér í ferð minni og það sem ég er nú þegar búin að elda úr hefur verið alveg dásamlega gott eins og Entrecote steikurnar. Uppskrift má finna á síðunni af henni.
Búðin er opin hjá þeim á laugardögum og sunnudögum frá kl.14-18
Texti & myndir
Ingunn Mjöll/Islandsmjoll
Athugasemdir verða samþykktar áður en þær birtast.
Námskeið Salt eldhússins!
Þegar maður er búin að fylgjast með spennandi námskeiðum hjá Salt eldhúsinu í þó nokkurn tíma þá freistast maður á endanum og maður getur alltaf lært eitthvað nýtt. Ég valdi að fara á námskeiðið í Jólahlaðborðinu hjá þeim þar sem við settum saman 10 rétta jólahlaðborð.
Fiðrildi.is - Ásdís Guðmundsdóttir
Fiðrildaferðir er ferðaskrifstofa stofnuð árið 2025 af Ásdísi þar sem hún leggur mikla áherslu á samfélags- og menningartengda ferðamennsku. Þetta hugtak vísar til ferðaþjónustu sem er þróuð af heimamönnum í samstarfi við samfélög á svæðinu og þar sem áhersla er á að virðisaukinn verði eftir á svæðinu.
Slow Food markaður í Flóru!
Slow Food heldur reglulega markaði hér og þar og hérna voru þau með markað í Flóru-grasagarðinum þann 27.september. Ég elska að líta á allsskonar matartengda markaði enda hefur matur og allt sem honum tengist verið eitt af mínum aðal áhugamálum frá unga aldri.
