Bíldudalur & Vegamót!Ég mæli svo innilega með stoppi á Bíldudal þegar verið er á ferðalagi vestur á firði og að snæða á Vegamótum hjá þeim Gísla & Önnu. Það er líka í fullkomnu lagi að gera sér bara sér ferð þangað og njóta alls sem Bíldudalur bíður upp á.
Ferðasagan heldur áfram:Frá Patreksfirði hélt leið mín áfram á Bíldudal enda ferðin að mestu fyrirfram ákveðin. Sólin skein þennan daginn og margt var um manninn á Vegamótum en það kom ekki í veg fyrir hlýjar móttökur. Ég var fyrir löngu búin að ákveða að fá mér fiskinn & franskarnar, það kom ekkert annað til greina, hreinlega búin að dreyma það og stóðst hann allar mínar væntingar og vel það, toppeinkunn frá mér.
Bildudalur
Kvöldinu áður hafði ég hitt hjón á Patreksfirði og í léttu spjalli hafði ég sagt þeim frá að ferð minni væri næst heitið á Bíldudal og þá sérstaklega til að fá mér fiskinn fræga á Vegamótum og hvað haldið þið, þau sátu á næsta borði og voru að fá sér fisk & franskar, hversu dásamlegt er það.
Fiskisagan, hún flýgur sko!
Og að sjálfsögðu var smellt af mynd af Gísla þegar hann kom með fiskinn.Þau hjónin Gísli Ægir Ágústsson og Anna Vilborg Rúnarsdóttir keyptu Vegamót árið 2018 en hann hafði verið í eigu frænda hans í 27.ár og svo 3 kvenna úr fjölskyldunni í 5.ár þar á eftir og þegar þær ákváðu að hætta þá buðu þær þeim að taka við rekstrinum, svo þau slóu til. Þar voru Bíldælingar heppnir.
Vegamót er eini veitingastaðurinn á Bíldudal og þar af leiðandi sá besti.Hann er ekki bara veitingastaður, heldur líka
kaffihús, verslun, pósthús, ísbúð, pöbbinn og staðurinn þar sem þeir eldri menn hittast í hádeginu að spjalla saman, hin eins sanna félagsmiðstöð eða kannski mætti frekar segja að hann sé
"Hjarta bæjarins" 
Hún er kannski lítil búðin en úrvalið er stórfínt.Gísli er mikill mataráhugamaður og þegar hann er ekki að elda þá er hann syngjandi glaður eða að sjá um veislustjórn.
Hann bíður líka upp á veisluþjónustu, bæði innan bæjar sem utanbæjar hefur maður séð og er afar vinsælt að fá hann enda ekki ósjaldan sem hann grípur með sér gítarinn og syngur fyrir gestina. Hann tekur líka að sér að vera veislustjóri og heldur svo oft uppi stuðinu líka.
Hver vill ekki fá svona einn fjölhæfan í veisluna sína. Nú svo tekur hann lagið reglulega á Vegamótum.
Ekki má svo gleyma því að hann er líka
Fjallabróðir. Ég held að það sé sjaldan lognmolla í kringum hann Gísla og er hann er líka mikill fjölskyldumaður. Það er svo sannarlega vel þess virði að slá nokkar flugur í einu höggi og heimsækja Bildudal & Vegamót.
Þau hjónin eru bæði fædd og uppalinn á Bíldudal og voru saman í bekk alla sína skólagöngu og í dag eiga þau saman 3.börn og er æsku heimilið hans Gísla beint á móti Vegamótum, svo það er ekki langt að heimsækja foreldrana og er það ósjaldan sem hann eldar þar líka en það hefur maður séð á Snappinu hans. Þið finnið hann þar undir
Vegamótaprinsinn (gisliagustson). Addið honum endilega, hann hefur gaman af því.
Opnunartími Vegamóta er frá kl. 10–22 yfir sumarið og styttist svo yfir veturinn þegar hægir á umferðinni. Allsskonar viðburðir eru í boði líka allt árið eins og villibráðahlaðborð, jólahlaðborð, þorrablót ofl skemmtilegt en hægt er að fylgjast með dagsskránni á síðunni þeirra á feisbók, smellið
hér
Þeir félagarnir að sprella saman,
Gísli og Kris sem vinnur hjá þeim og hefur gert síðustu árin. Þeir bregða sér í hin ýmsu hlutverk, syngja, spila og fíflast eins og þeim er einum lagið en hann Kris er líka stórgóður saxafónleikari.
Ég er spennt fyrir því að koma aftur og þá ætla ég að prufa eitthvað annað á matseðlinum hjá þeim og stoppa lengur, vera búin að redda gistingu og njóta þess að vera þarna 2-3 daga í það minnsta. Það er gott að vera ekki búin að klára allt. Það er eitthvað svo dásamlegt við litlu bæjarfélögin að það er ekki nóg að þjóta bara í gegnum þau, maður þarf að staldra við og kynnast fólkinu.
P.S. Ef þið vitið um gistingu á góðu verði, hvíslið því þá að mér.
Ekki verða bensínlaus.
Þú getur svo fyllt á bílinn þinn hjá Hannesi frænda hans Gísla og verslað fallega gjafavöru í
Magazíninu. Bensínstöðin er staðsett þarna þarna fyrir hliðina á Vegamótum. Myndin er af honum Hannesi og frænku hans.
SkrímslasetriðBíldudalur stendur við hinn fagra Arnarfjörð og tilheyrir sveitarfélaginu Vesturbyggð. Það sem er í boði þarna er t.d. safnið hans
Jóns Kr.Ólafssonar söngvara. Þar má finna
Skrímslasetrið sem helgað er sjóskímslum við strendur Íslands en Gísli var einn af stofnendum þess. Hægt er að skella sér á slóðir
Gísla Súrssonar í Geirþjófsfirði, nú eða aka út með firðinum vestur í
Selárdal að skoða
höggmyndir Samúels Jónassonar og þar sem hann Gísli á Uppsölum bjó, svo fátt eitt sé nefnt.
Já þarna má líka finna tjaldsvæði sem er staðsett við Íþróttahúsið Byltu niður við sjó.
Ég spurðist þarna fyrir í sambandi við hvaða leið ég ætti nú að fara því næst lá leið mín á Búðardal þar sem ég ætlaði að gista næstu nóttina og var mér þá bent á að fara aftur tilbaka á Patreksfjörð, Fjarðarheiðina og niður þar á Bjarkalund en mig langaði svo til að fara hina leiðina sem lá um Dynjandaheiðina en svona fyrir þessa lofthræddu þá var þetta spurning og þegar viðkomandi heyrði að ég hefði nú farið út á Látrabjarg þá sagði hann, heyrðu kona, þú ert þá búin að mastera vestfirðina, ég ákvað að trúa því. Hún var á köflum mjög ógreiðfær sökum viðgerða og breytinga en falleg var hún.
Þarna má sjá laxeldi Arnarlax
