Súkkulaði banana terta

June 17, 2020 3 Athugasemdir

Súkkulaði banana terta

Súkkulaði banana terta
Hérna eru tvær útfærslur á uppskriftinni af Súkkulaði banana tertunni, önnur þeirra er mæld í gr en hin í bollum. Þessi tiltekna kaka sem hérna má sjá á myndunum var samvinnuverkefni mitt og Brynju vinkonu minnar en hún sá um að baka botnana og ég græjaði á milli botnana og kremið ofan á tertuna og hún var afar góð eins og í minningunni, stóðst alveg væntinganar og fengu margir að gæða sér á henni.
     
       

Uppskrift, botnar:

  • 4 egg
  • 200 g. sykur
  • 1 dl hveiti
  • 2 msk kakó
  • 1 msk kartöflumjöl
  • 1 tsk lyftiduft

Ofn hitaður í 180 gráður við blástur.
Egg og sykur þeytt saman þar til blandan verður létt og ljós.
Þá er þurrefnunum blandað varlega saman við með sleikju.
Tvö smelluform (24 cm) smurð að innan.
Deiginu er skipt á milli formanna tveggja og bakað við 180 gráður í ca. 20-25 mínútur eða þar til kantarnir á botnunum eru farnir að losna aðeins frá formunum.
Botnarnir eru látnir kólna alveg áður en bananakremið er sett á milli botnanna.

 Bananakrem:

  • 100 g. smjör (mjúkt)
  • 70 g. flórsykur
  • 4 bananar, stappaðir

Smjör og flórsykur er þeytt saman þar til blandan verður létt. Þá er stöppuðum banönum bætt út í. Gott er að kæla kremið dálítið áður en það er sett á milli botnanna.

Súkkulaðikrem ofan á:

  • 100 g. smjör (mjúkt)
  • 100 g. flórsykur
  • 120 g. suðusúkkulaði
  • 1 egg
  • 1 tsk. vanillusykur

Til skreytingar:

  • þeyttur rjómi
  • niðursoðnar perur

Smjöri, flórsykri og egg þeytt saman.
Súkkulaðið er brætt og kælt aðeins áður en því er hellt saman við blönduna. Kreminu er smurt ofan á tertuna og á hliðarnar. Það er fallegt að skreyta tertuna með þeyttum rjóma og niðursoðnum perum eða rifsberjum eins og sjá má á myndinn.

Sumarleg og falleg.
       
       

Skreyttu þína köku eins og þú vilt!

Súkkulaði banana terta, útfærsla nr.2

Hráefni:

Þú þarft eftirfarandi hráefni í uppskrift að Bananaterta.

4 egg
1 bolli sykur
1/2 bolli hveiti
2 matskeið kakó
1 teskeið lyftiduft

Fylling:
100 grömm smjör
70 grömm flórsykur
4 stappaðir bananar

Krem:
100 grömm smjör
100 grömm flórsykur
150 grömm suðusúkkulaði
1 egg
Vanilludropar


Aðferð fyrir Bananaterta:

Botnar:
Þeyta egg og sykur vel saman, bæta síðan þurrefnunum saman við. Bakist í tveimur vel smurðum tertumótum við 180-200 gráður.

Fylling:
Smjör og flórsykur hrært vel saman. Bananarnir settir síðast í, það er mikið atriði annars verður fyllingin allt of þunn.

Krem:
Þeyta smjör, sykur og egg vel saman. Súkkulaðið brætt og bætt út í. Kremið er sett volgt á kökuna.
 
Vertu velkomin að koma og vera með í Köku & baksturs hópnum á facebook




3 Svör

Ingunn Mjöll
Ingunn Mjöll

June 29, 2023

Gaman að heyra Elínborg og takk fyrir að fylgja mér, það gleður mig.

Mæli virkilega með þessari Mary, hún er mjög góð.

Mbk.Ingunn Mjöll/Islandsmjoll

Elinborg Eggertsdóttir
Elinborg Eggertsdóttir

June 16, 2023

Hef fylgst með þessari síðu lengi og reynst vel það sem ég hef gert.

Mary Kolbeinsdóttir
Mary Kolbeinsdóttir

June 15, 2023

Þessa ætla ég að prófa, ekkert smá girnileg.

Skildu eftir athugasemd


Einnig í Kökur

Rice Krispís marengsterta
Rice Krispís marengsterta

February 09, 2024

Rice Krispís marengsterta
Það kemur fyrir að maður bregður út af vananum og hérna geri ég það svo sannarlega. Ekkert súkkulaði og engar döðlur, bara Rice Krispís. Það er engu að síður vel hægt að skreyta hana með því ef vill. 

Halda áfram að lesa

Marensterta með bleiku súkkulaði
Marensterta með bleiku súkkulaði

October 27, 2023

Marensterta með bleiku súkkulaði
Í tilefni að bleikum október mánuði og 87.ára afmæli móður minnar þann 22.október 2023 þá ákvað ég að baka eina af uppáhaldstertunum okkar en í nýjum búningi.

Halda áfram að lesa

Rjómaterta með jarðarberjum!
Rjómaterta með jarðarberjum!

July 22, 2023

Rjómaterta með jarðarberjum!
Með jarðarberjum, bláberjum og kókosbollum. Algjör bomba og bragðgóð þessi sem ég bakaði fyrir stuttu síðan og hafði í eftirrétt þegar ég bauð fjölskyldunni minni í mat.

Halda áfram að lesa