Mexikóskt lasagne
Eitt það æðislegasta Mexíkóska lasagna sem ég hef gert og ég mæli 100% með.
Virkilega gaman þegar vel heppnast og tortillurnar voru mjög mjúkar og góðar á milli. Þessi verður gerð aftur og aftur og hugsanlega í fleirri útfærslum.
Máltíð alveg fyrir 4 plús.
5-6 kjúklingabringur (ég notaði 2 1/2 bringu)
½ laukur
2 rauðar paprikur eða 1 stór (ég notaði 1 stóra)
Eitt bréf Burrito kryddmix, og má vera taco kryddmix. (Ég kryddaði með Taco kryddi eftir mínum smekk)
2 dósir af salsa sósu, ég notaði eina medium og eina Hot, virkilega góð blanda
½ líter matarrjómi (ég var með 1 pela af rjóma)
6 tortilla pönnukökur (ég notaði 4 1/2 í hringlaga form)
1 poki af Gratineruðum osti (notaði það sem þurfti til ofan á)
Skerið kjúklingabringurnar í bita og steikið á pönnu upp úr olíu og kryddið með Burrito eða Taco kryddi. 
Skerið laukinn niður og paprikuna og bætið saman við kjúklinginn og steikið áfram þar til kjúklingurinn er eldaður og paprikan og laukurinn er orðin mjúk. 
Bætið þá saman við salsa sósunni og rjómanum og látið malla í smá stund áfram. 
Raðið tortilla kökunum í botninn á eldfastu móti og passið að þekja alveg botninn, klippið þær til. 
Setjið svo kjúklingaréttinn ofan á, aftur tortillur og svo koll af kolli og endið á kjúklinginum. 
Bætið að lokum gratineruðum osti ofan á og setjið inn í ofn á 180°c í um 15-20 mínútur eða þar til osturinn er bráðinn. 
Berið fram með Nachos eða Dorritos og njótið vel.
Verði ykkur að góðu.
Velkomið að deila áfram, hjartans þakkir fyrir það.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Kjúklinganochos!
Einn af þessum réttum sem alltaf eru sígildir og góðir, Minnsta mál er að skipta út kjúkling fyrir hakk t.d. ef maður vill breyta til.
Grillaður kjúklingur/reyktur!
Hérna var ég með tvennskonar kjúklinga í matarboði fjölskyldunnar, annarsvegar venjulegan en hins vegar reyktan og við elskum bæði. Afgangana nýtti ég svo vel og deili því hérna með ykkur sem hugmyndum hvernig hægt er að nýta allt upp til agna eða því sem næst.
Butter Chicken!
Ég fékk smá glaðning frá ferðaskrifstofunni Fiðrildi.is sem hún Ásdís Guðmundsdóttir á og rekur, sem var skemmtileg uppskrifta bók frá Indlandi og vel valin krydd frá samstarfsaðila þeirra úti, henni Jenny D'Souza.
