Létt reyktur hátíðarkjúklingur a la carte Ingunn
Fyrir mörgum árum síðan kynntist ég létt reyktum kalkún sem var algjört lostæti kominn alla leið frá Ameríku (tilbúinn eldaður) en það sem verra er að svoleiðis fæst bara ekki hérna á landinu okkar góða en þá fann ég Hátíðarkjúkling létt reyktan frá Holta kjúkling sem er mjög góður en ég kaupi hann ca.2 sinnum á ári, fyrir jólin og páskana en þá eru þeir alltaf til.
Ég setti svo saman mína eigin uppskrift sem ég deili hér með ykkur og vona að þið njótið vel.
Döðlurjómasalat uppskriftin er fengin hjá henni Guðrúnu vinkonu minni en hún er mikill lystakokkur.
1. stk létt reyktur hátíðarkjúklingur (fæst yfirleitt um jól og páska)
Klementinur
Græn vínber
Döðlur
Setjið kjúlinginn í ofn og bakið í 45 mínútur á kíló á 180°c, hellið yfir hann appelsínusafa þegar hann er farin að gyllast aðeins (hellið fyrst safann af kjúklinginum af áður).
Vökvið hann svo öðru hvoru og bætið svo döðlum, klementinum og vínberjum yfir hann.
Borið fram með brúnuðum kartöflum og döðlurjómasalati og appelsínusósu.
Döðlurjómasalat
Rjómi
Döðlur
Látið döðlur liggja í rjómanum í 2-3 tíma, skerið þær smátt niður áður og þeytið rjómann svo varlega.
Appelsínusósa
Smá klípa af smjöri eða smjörlíki til að bræða teninginn
1 hænsnateningur
1 matreiðslurjómi
1 peli af Floridana appelsínusafa
2-3 msk af appelsínuþykkni, má bæta við eftir smekk
Smá kjötkraftur til að styrkja ef þarf
Maizzenamjöl til að þykkja aðeins
Smjör/smjörlíki brætt með teninginum og hrært í á meðan,
rjómanum helt út í smátt og smátt og svo appelsínusafanum bætt við og appelsínuþykkninu,
smakkað til og bætt meira út í að þykkni ef þurfa þykir til að fá meira appelsínubragð og svo er gott að styrkja með smá kjötkrafti ef vill,
má sleppa.
Ef margir eru í mat, má bæta út í mjólk til að gera sósuna meiri og setja þá aðeins meiri kraft á móti.
Þykkja svo í resina með maizzenamjöli.
Njótið!
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Ég prufaði þetta með 2kg fugl. Ég hefði frekar haft hitann lægri t,d. 170 og tímannlengri. Miðað bið þennan hita og tíma þá varð húðin of stökk og kjötið hálf hrátt
Sæl Bára
Takk fyrir fyrirspurnina og góða ábendingu, það vantaði alveg með. Ég var með á 180°c og í neðstu hillunni.
Mínar bestu kveðjur
Ingunn Mjöll/Islandsmjoll
Hvaða hita á ofninum? Fyrir léttreyktan kjúkling? 45 mín á 1 kg en hvaða hitastig? takk fyrir Bára
Athugasemdir verða samþykktar áður en þær birtast.
Kjúklinganochos!
Einn af þessum réttum sem alltaf eru sígildir og góðir, Minnsta mál er að skipta út kjúkling fyrir hakk t.d. ef maður vill breyta til.
Grillaður kjúklingur/reyktur!
Hérna var ég með tvennskonar kjúklinga í matarboði fjölskyldunnar, annarsvegar venjulegan en hins vegar reyktan og við elskum bæði. Afgangana nýtti ég svo vel og deili því hérna með ykkur sem hugmyndum hvernig hægt er að nýta allt upp til agna eða því sem næst.
Butter Chicken!
Ég fékk smá glaðning frá ferðaskrifstofunni Fiðrildi.is sem hún Ásdís Guðmundsdóttir á og rekur, sem var skemmtileg uppskrifta bók frá Indlandi og vel valin krydd frá samstarfsaðila þeirra úti, henni Jenny D'Souza.
Ingunn Mjöll
April 05, 2026
Sæl Inga ósk
Takk fyrir ábendinguna, fínt að heyra frá öðrum hvernig gengur. Varstu með hann í 45 mínútur á kíló ? þá um 90 mínútur samtals ?
Munur getur verið á ofnum hjá okkur og ég vökvaði minn reglulega svo að hann varð ekki stökkur en svo eru líka aðrir sem vilja hafa hann þannig.
Þetta er smá kúnst sem við verðum svo hvert og eitt okkar að finna hvað hentar okkur en alls ekki gott að hann sé hrár að innan en ég vona svo sannarlega að hann hafi smakkast vel, ég elska þennan létt reykta.
Gleðilega páska og bestu kveðjur
Ingunn Mjöll/Islandsmjoll