Kjúklingur í Bali sósu
January 17, 2024
Kjúklingur í Bali sósuEinstaklega góður réttur þar sem ég var með kjúklingalæri sem ég átti til en væri til íð að prufa næst með kjúklingabringum eða lundum. Afar bragðgóður og vel heppnaður sem dugði mér í 3 máltíðir og sú síðasta með smá tvisti.
1.pakki af Bali kjúklingagrýtu frá Toro
2 kjúklingalæri eða tvær kjúklingabringur
Best á kjúklinginn krydd
1.epli, skerið í sneiðar
1 poki af hrisgrjónum
8 stk af litlum tómötum, skornir í tvennt
1/4 blaðlaukur, niðurskorin
1/2 dós af ananas eða eftir smekk
Möndlur
Kryddið kjúklinginn og setjið inn í ofn á 180°c í um 30 mínútur, fínt að snúa honum við á miðjum tíma.
Útbúið sósuna úr pakkanum samkvæmt leiðbeiningum og bætið svo út í hana blaðlauknum og anans og látið hana þykkna litilega.
Sjóðið hrísgrjónapakkann og setjið hrísgrjónin í botninn á eldföstu móti ásamt kjúklinginum og raðið svo tómötunum og eplunum ofan á og hellið að lokum sósunni yfir og setjið aftur inn í ofninn í ca.15 mínútur.
Stráið möndlunum yfir eins og sjá má á mynd.
Dásamlega góður réttur og daginn eftir var gott að fá sér afgang
Og þriðja daginn þá setti ég restina í Tartalettur og smellti kjúklingafrönskum með ofan á. Svona dugði þetta fyrir 1 en þetta klárast að öllum líkindindum ef það eru fleirri.
Uppskrift og myndir
Ingunn Mjöll
Verði ykkur að góðu.
Velkomið að deila áfram, hjartans þakkir fyrir það.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Skildu eftir athugasemd
Athugasemdir verða samþykktar áður en þær birtast.
