Hryggur í helgarmatinn
April 15, 2023
Hryggur í helgarmatinnÉg var með smá fjölskyldumat um páska helgina og ákvað að vera með hálfan venjulegan hrygg og hálfan af reyktum sem féll mjög vel í kramið. Ásamt hryggnum var ég með brúnaðar (sykraðar) kartöflur, rjómasveppa piparsósu og ferskt salat með.
Hrygginn kryddaði ég með Seson All og smá af steikarkryddi og setti inn í ofn í um 45-50 mínútur og reykta hryggin sauð ég og lét malla í svipaðan tíma og tók hann svo upp úr pottinum og bar á hann blöndu af púðursykri og sinnepi og setti inn í ofn með hinum í smá stund.
Kartöflurnar set ég alltaf bara í bræddan sykur, ekkert smjör/smjörlíki/rjómi, bara sykur.
Rjómasveppa sósan með piparosti
1. matreiðslurjómi
1. sveppateningur
sveppir, niðurskornir
1/2 piparostur, skorinn í smá bita og bræddur í rjómanum
Setjið rjóman í pott ásamt sveppatening og bætið svo ostinum saman við og sveppunum síðast. Látið malla þar til osturinn er að mestu bráðnaður. Þykkið sósuna með maizenamjöli ef þið viljið hafa hana þykkari og svo velur hver og einn fyrir sig hvort hann vilji hafa hana hvíta eða bæti smá sósulit saman við, ég bætti sósulit saman við.
Ég skreytti svo diskinn með ferskum anans sem ég bar fram kjötið á.
Páskaborðið árið 2023
Páskamaturinn
Í eftirmatinn var ég með Royal búðing og fyrir valin var Bananasplitt með tvisti eins og svo oft áður. Uppskriftina af honum má finna hérna.
Og svo hreinlega elska ég afganga og reyni alltaf að nýta þá eins vel og ég get og stundum teygjast þeir í 1-3 máltíðir í viðbót.
Svo að dag númer tvö þá skar ég kjötið útí sósuna og setti kartöflurnar með líka og borðaði með salati.
Dagur 3 - Lambagúllas með salati og að viðbættri einnri brauðsneið.
Já það má gera sér glaðan dag og daga þegar afgangar eru annarsvegar og ég hef persónulega verið mjög dugleg við að nýta þá, annaðhvort strax eða frysta og njóta síðar.
Njótið þess að deila uppskriftinni áfram á síðurnar ykkar.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Skildu eftir athugasemd
Athugasemdir verða samþykktar áður en þær birtast.
