Grilluð bleikja
Eitt af því sem ég elska svo mikið yfir sumartímann er að grilla nýveiddann fisk eins og Bleikju eða Urriða, nú eða lax en mitt uppáhald er bleikja.
Þessa verslaði ég á Markaðinum á Mosskógum frá Heiðarbæ 1, veidd beint úr Þingvallavatni og var alveg svakalega ljúffeng.
1 Bleikja
1-2 sítrónur, fer eftir stærð fisksins
Salt og pipar úr kvörn og annað krydd eftir smekk
Graslaukur
Steinselja
Kryddið fiskinn og sneiðið niður sítrónurnar og bæði fyllið hann og setjið ofan á.
Pakkið honum inn í álpappír, pakkið honum inn og setji á grillið (eða á grill í ofninum). Það tekur svona ca.10-15 mínútur að grilla eða aðeins lengur ef hann er stærri.
Með þessu bar ég fram alveg æðislega Graslaukssósu og glænýtt kartöflusmælki en mér finnst rosalega gott að sjóða þær, taka svo vatnið af og þurrsteikja þær aðeins í pottinum og strá smá saltflögum yfir.
Fyrir þá sem vilja þá má líka hella smá sýrópi yfir svona spari.
Síðan var ég með ferskt salat með.
Daginn eftir var afgangurinn vel nýttur og setti ég fiskinn og kartöflurnar beint út í sósuna og hitaði upp.
Deilið með gleði.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Beikon borgari!
Hamborgari og hamborgari...margar útgáfur í boði, bæði í þyngd og meðlæti ofan á þá og hérna er ein mörgum útfærslum sem ég geri og ykkur að segja þá eru þeir sjaldnast eins hjá mér, elska hreinlega nýjungar!
