Pönnusteiktur hörpuskelfiskur

November 07, 2020

Pönnusteiktur hörpuskelfiskur á Black Been Spaghetti beði.
Þennan rétt bjó ég til með vinkonu minni nýlega og höfðum við hann í forrétt á undan Risarækjum í Sweet chilli sósu, einsskonar sjávarrétta þema hjá okkur.

Hörpuskelfiskur lítill
Black Bean Organic Spaghetti (Keypti það í Nettó)

Hveiti
2.tsk karrí
2.tsk paprika
2.tsk chilli flögur
Smá salt og pipar
     
Hvítlaukur, saxið hann í sneiðar og steikið upp úr smjöri þar til hann verður stökkur.

Setjið svona ca 1 bolla af hveiti í skál og blandið kryddunum vel saman við.
Veltið hörpuskelfiskinum upp úr hveiti blöndunni og steikið svo upp úr smjöri á pönnu í nokkrar mínútur og veltið á allar hliðar.

Sjóðið Spaghetti samkvæmt leiðbeiningum á kassa, gott er að setja smá olívuolíu út í vatnið.

Setjið svo spaghetti á disk og raðið hörpuskelfiskinum ofaná ásamt ristuðum hvítlaukssneiðunum og skreytið svo með eins og einni tígrísrækju eða öðru tilfallandi og stráið svo saltflögum yfir áður en borið er fram.

Með þessu vorum við með fallegan brauðhring og ferskt salat.

Njótið & deilið að vild.

---

---

Einnig í Forréttir