Túnfisksteik með bearnise!

Heimagrafinn lax í forrétt, sjá hérna

1 túnfisksteik á mann

Setjið smjör eða olíu á pönnu og setjið steikina á og kryddið með fiskblöndunni frá Marbrúka eða öðru eftir ykkar eigin smekk, ég notaði Mabrúka kryddið og var mjög ánægð með það, einstaklega ferskt og gott. 

Athugið að steikja ekki lengur en 1.mínútu á hvorri hlið því steikin heldur áfram að eldast eftir að hún er tekin af pönnunni og við viljum ekki að hún endi sem góð í túnfisk salatið (en ef, þá yrði það dýrindis túnfisk salat).

Snúa við, krydda og taka af eftir eina mínútu. Látið hana ekki plata ykkur þótt þið sjáið steikina svona á myndinni, því hún heldur áfram að steikjast, munið.

Ath. verið búin að útbúa kartöflugratínið og hafa það nærri tilbúið ásamt aspas og svepp og sósunni áður en þið steikið steikina því hún þarf eingöngu 2-3 mínútur.

Með að þessu sinni ákvað ég að vera með Toro bearnes sósu með smá tvisti og bætti út í sósuna eins og 1 dl af rækjum og ef þið viljið toppa hana extra þá bætið þið út í hana 1 eggjarauðu áður en þið setjið rækjurnar út í sósuna. Að öðru leiti þá er farið eftir því sem stendur á pakkanum.

Kartöflugratín með tvisti eins og ávallt þegar ég er að prufa mig áfram í uppskriftum, þessi heppnaðist einstaklega vel.
Kartöflugratín með tvisti eins og ávallt þegar ég er að prufa mig áfram í uppskriftum, þessi heppnaðist einstaklega vel.

8-10 kartöflur meðalstærð
1 laukur venjulegur, notið það sem ykkur finnst passa
4-5 msk af Rjómaosti með graslauk og lauk
1-2 msk af Kapers
Salt og pipar úr kvörn
250-300 ml af matreiðslurjóma/rjóma
Rifinn ost

Skerið kartöflurnar í sneiðar, ég sker þær ávallt með híðinu ef það lítur vel út enda er það hollasta við kartöfluna. Skerið laukinn í sneiðar. Raðið kartöflunum í eldfast mót og saltið og piprið, síðan lauknum og svo koll af kolli, 2-3 raðir og munið að salt og pipra alltaf á milli. Bætið svo ofan á rjómaostinum og hellið svo rjómanum yfir í lokinn. Ég kryddaði  rjómann með 1.msk af Grænmetis paradís frá Kryddhúsinu sem ég fékk að gjöf.

Setjið inn í ofn á 180°c í um 25-30 mínútur og setjið rifinn ost yfir síðustu mínúturinar, svona svo að hann brenni ekki og hafið hann inni þar til hann er bráðinn.

Ath að uppskriftin passar fyrir tvo, ef það eru fleirri, þá er bara að stækka hana.

Ljúffengt er að fá sér eins og 1 glas af góðu vínglasi en því má að sjálfsögðu sleppa.