Steikt rauðspretta með sítrónukeim!
Rauðspretta er ein af mínum uppáhalds og ég er farin að kaupa hana reglulega og elda mér og þar sem ég hef svo gaman af því að prufa nýjar aðferðir eða krydd þá er ég hérna með Sítrónupipar frá Mabrúka sem var einstaklega ferskt og gott. Með þessu bar ég fram sætkartöflu salat sem var æðislega gott með.
Ég krydda oftar en ekki svolítið áður en ég steiki fiskinn, stundum meira að segja deginum áður og þá finnur maður þetta ekstra ljúffenga kryddbragð.
1 flak af rauðsprettu (á mann)
Sítrónupipar frá Marbrúka
Smjör/smjörlíki/olía, þitt val til að steikja upp úr
Kryddið rauðsprettuflakið á báðum hliðum og steikið á pönnu, ég sný fiskhliðinn niður fyrst og sný henni svo við og læt malla í um 5.mínútur. Svona þunn flök þurfa ekki mikið meira en það svo þau verði ekki þurr.
Bar rauðsprettuna fram með Sætkartöflusalatinu sem var æðislega gott
Kryddin sem ég notaði á rauðsprettuna og í Sætkartöflu salatið
Með þessu bar ég fram Sætkartöflusalat, sjá uppskriftina hérna
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
Sítrónu-silungur!
Silungur kryddaður með sítrónupipar og steiktur á pönnu, borinn fram með bakaðri kartöflu og ljúffengu agúrku-rjómasalati og sinnepssósu, alveg æðisleg blanda.
Saltfiskur, steiktur á pönnu!
Hérna er ein afar einföld fyrir einsetufólk eins og mig. Ég hafði reyndar fengið gefins tvær kanarískar sósur sem margir kannast nú við, 1 rauða Mojo Rojo og 1 græna Mojo Verde sem ég notaði bæði með fiskinum og ofan á kartöflurnar sem ég eldaði á spænska vísu.
