Túnfisk steik með hollandaise
Áramótin 2022-2023 voru tekin í rólegheitunum með einni ljúfengri Túnfisk steik eins og síðustu tvö árin á undan. Meðlætið er þó aldrei það sama og að þessu sinni var ég með Toro hollandaise sósu sem ég gerði að minni með tvisti, grateneraðar kartöflur og smábrauð með tómötum og Primadonna osti bræddum ofan á.
Þetta var sælkeraveisla fyrir sælkerann mig!
Túnfisk steik
Salt og pipar úr kvörn
Dill
Smjör/smjörlíki
Athugið að steikja ekki lengur en 1.mínútu á hvorri hlið því steikin heldur áfram að eldast eftir að hún er tekin af pönnunni og við viljum ekki að hún endi sem góð í túnfisk salatið (en ef, þá yrði það dýrindis túnfisk salat).
Ég skellti dill grein á pönnuna og steikti á henni eins og sjá má, alltaf að prufa eitthvað nýtt.
Látið þetta ekki blekkja ykkur þótt hún virðist vera hrá í miðjunni, hún heldur áfram að eldast, munið!
Kartöflugratínið mitt:
Skerið niður kartöflur í sneiðar og kryddið með salt og pipar úr kvörn
Skerið niður rauðlauk og bætið við og svo átti ég til grænan aspas sem ég bætti út á líka.
Hellið rjómapela yfir og bætið við rifnum osti til að gratinera. Ég notaði reyndar Primadonna osti en ég hreinlega elska þann ost á næstu allt.
Tekur um 25-30 mínútur í ofni.
Smábrauð, smurt með rjómaosti, kokteiltómatar skornir í sneiðar og settir ofan á ásamt Primadonna ostinum. Sett inn í ofn í um 5.mínútur með kartöflunum í restina eða hreinlega sett í Air fryerinn í um 2-3 mínútur.
Ég var líka með Portobello svepp sem ég fyllti með rjómaosti, þennan gamla í Bláu dósunum og að sjálfsögðu Primadonna ost ofan á, þið eruð að ná þessu með ostinn er það ekki ;) 
Lagt á borð fyrir 1 og skálað með hvítvíni, þakkað fyrir gamla árið og hlakkað til að taka á móti nýju ári 2023
Hérna má svo finna uppskriftina af sósunni sem ég var með, sósa með tvisti með Hollandaise sósu grunn frá Toro, sjá uppskrift
Væri gaman ef þessu væri deilt áfram, takk fyrir.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
