Þorskhnakkar léttsaltaðir
Þeir eru ekta sælkera þorskhnakkarnir og hérna var ég bara að leika mér í að setja eitthvað saman og útkoman alveg svakalega góð, kom mér á óvart sjálfri meira að segja!
Ég bætti smá salti úr kvörn og pipar ofan á þorskinn
Ég maukaði svo saman 1 tómat, 1 rauðlauk og 2-3 msk af Fetaosti 
Maukið
Setti fiskinn í eldfast mót.
Maukið bar ég svo ofan á fiskinn og stráði smá af furuhnetum líka ofaná og bakaði svo í ofni á 180°c í um 10-15 mínútur.
Ég sauð svo nokkrar kartöflur með og skar þær svo í báta, kryddaði og stráði smá flögusalti ofan á þær og skellti þeim í Air fryerinn í smá stund, ca 3 mínútur á 180°c
Tilbúnar
Að þessu sinni langaði mig bara í rúgbrauð með smjöri með.
Gott er líka að hafa með salat og aukalega af blöndunni sem ég setti ofan á fiskinn ef afgangur er.
Afganginn af fiskinum notaði ég svo daginn eftir á dásamlega góða Saltfisk pizzu, skoðið uppskrift af pizzunni hérna.
Uppskrift & myndir
Ingunn Mjöll/Islandsmjoll.is
Njótið þess að deila uppskriftinni áfram á síðurnar ykkar.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Sauðstu fiskinn og settir svo maukið á hann eða bakaðir þú hann í ofni með markinu á?
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
Ingunn Mjöll
January 03, 2026
Sæl Ragnheiður Björk
Takk fyrir að vekja athygli mína á þessu, vantaði alveg hvernig ég eldaði hann.
Ég setti fiskinn í eldfast mót.
Maukið bar ég svo ofan á fiskinn og stráði smá af furuhnetum líka ofaná og bakaði svo í ofni á 180°c í um 10-15 mínútur.
Mínar bestu kveðjur og gleðilegt árið 2026
Ingunn Mjöll/Islandsmjoll