Steiktur Doritos fiskur
Fiskur og fiskur, óteljandi útgáfur af matreiðslu og einu sinni hefði okkur ekki dottið í hug að velta fisk upp úr Doritos og kornflexi!
800 gr fiskflök, ýsa eða annað gott
5 dl. Doritos
2 ½ dl. Kornflex
1 dl. Hveiti
1 stk. Egg
1 dl. Mjólk
1 msk. Steinselja
Salt og pipar
Olía
Doritos flögur og kornflex mulið smátt í matvinnsluvél, bætið steinselju út í.
Eggið slegið saman við mjólkina.
Fiskur roðdreginn og beinhreinsaður, skorinn í hæfileg stykki.
Hveiti kryddað með salti og pipar.
Veltið fiskstykkjum upp úr hveitinu og hristið umfram hveiti af, dýfið í eggjablönduna og veltið síðan upp úr Doritos-raspinu, þrýstið létt á stykkin.
Steikið fiskinn á vel heitri pönnu uns hann er gullinbrúnn.
Gott að hafa soðnar kartöflur, sósu og grænmetissalat með.
Ég var með eðal eplasalat með, uppskrift sem ég fékk einu sinni hjá vinkonu minni hægt að sjá uppskriftina hérna
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Pönnusteikt bleikja!
Ég verslaði mér eitt ljúffengt stk af bleikju frá Svenna í Fiskbúð Fúsa. Ég kryddaði það með dásamlega góða og ferska Fisk kryddinu frá Mabrúka deginum áður og steikti svo á pönnu. Með því bar ég fram ferskt salat og Sætkartöflusalat líka, svakalega gott allt saman.
Steikt rauðspretta með sítrónukeim!
Rauðspretta er ein af mínum uppáhalds og ég er farin að kaupa hana reglulega og elda mér og þar sem ég hef svo gaman af því að prufa nýjar aðferðir eða krydd þá er ég hérna með Sítrónupipar frá Mabrúka sem var einstaklega ferskt og gott. Með þessu bar ég fram sætkartöflu salat sem var æðislega gott með.
Túnfisksteik með bearnise!
Þetta er í 3 sinn sem ég er með Túnfisk steik á gamlárs og er alltaf að bæta mig í eldun á blessaðri steikinni. Í þetta sinn þá var ég með heimagrafinn lax í forrétt og með Túnfisk steikinni sem ég keypti í þetta skiptið i Hafið fiskverslun.
