Þorláksmessu skata (& saltfiskur)
Frá því að ég man eftir mér þá hefur verið boðið upp á skötu í mínu uppeldi en hann Þorleifur afi minn var fisksali og þá þekktist það að hún var borðuð reglulega yfir árið þótt svo að í dag sé hún bara á boðstólunum á mínu heimili 1.sinni á ári en ég elska Skötu og finnst hún alveg æðisleg en ég blanda henni saman við saltfisk, kartöflur og rófur stundum og helli sjóðandi Hamsatólg yfir, vá hvað mig hlakkar til.
Að sjóða skötu & saltfisk er afar einfallt en ég læt yfirleitt suðuna koma upp á vatninu áður en ég set fiskinn út í (en þá freyðir ekki ofan á fiskinum) og hann er tilbúinn á innan við 10.mínútum en svo er það svolítið annað með skötuna en hún þarf aðeins lengri tíma, ca 15-20 mínútur.
Hérna fann ég svo uppskrift sem er vestfirsk og læt hana fylgja með.
Vestfirsk skata að gömlum sið
800 g skata, vel kæst
300 g vestfirskur hnoðmör,
salt
Matreiðsla
Sjóðið skötuna, hreinsið brjósk og roð af skötunni. Stappið vel saman við hana hnoðmör og saltið eftir smekk.
Berið stöppuna fram heita með kartöflum og rúgbrauði. Einnig má láta stöppuna kólna í formi, skera hana í sneiðar og hafa hana með brauði. Í staðinn fyrir hnoðmör má nota tólg eða súrt smjör.
Skötustappa
700 g skata, kæst eða söltuð
300 g kartöflur, soðnar
160 g smjör
4 stk hvítlauksrif.
pipar, nýmalaður
salt
steinselja
Matreiðsla
Sjóðið skötuna og kartöflurnar og saxið niður hvítlauksrifin. Búið til mauk úr skötunni og kartöflunum. Hrærið mjúkt smjörið saman við ásamt hvítlauknum. Bragðbætið með salti og pipar.
Berið skötustöppuna fram með brauði og smjöri.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Getur maður keypt soðna skötu hjá ykkur með öllu allt tilheyrandi fengi sent heim til sín?
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
Ingunn Mjöll
December 26, 2024
Sæll Konráð
Já veistu ef það væri nú svo gott en ég vona að þú hafir nú nælt þér í skötuboð og óska þér gleðilegrar hátíðar.
Jólakveðja
Ingunn Mjöll/Islandsmjoll