Sítrónulax með kartöflugratín!

June 29, 2024

Sítrónulax með kartöflugratín!
Lax sem hefur verið kryddaður deginum áður er eitthvað sem ég mun gera aftur!
Þarna hafði ég verið með nokkur stk af laxabitum sem ég hafði kryddað og eldaði svo bara eitt stk deginum áður. 

Þegar ég gæddi mér svo á þessum deginum síðar þá hafði kryddið náð að færa laxinum einhverja nýja töfra og hann bráðnaði í munni með öllu því ljúffenga meðlæti sem ég hafði með honum.

Ég setti laxinn að þessu sinni inn í ofn en lítið mál er að skella honum á grillið á góðvirðis degi. 180°c í um 15-20 mín eftir stærð.

Heimagert kartöflugratín, stökkt brakandi gott ferskt salat með!


Uppskrift af kartöflugratininu má skoða hérna



Ferskt salat sem ég hafði með: Íssalat frá Lambhaga, agúrku í sneiðum, kokteiltómata í sneiðum, papriku rauða niðursneidda og niðursneiddar radísur.

Toppað með þessum gæðaosti Gellir frá Fjósahorninu sem ég verslaði þar í mai.

Þetta var algjör sælkeramáltíð að mínu mati 



Fyrir þá sem vilja kalda sósu líka með þá er þessi æðisleg og einstaklega einföld, 4 msk af Grískri jógúrt, 2 tsk af Birkisírópi eða öðru, hrært saman og kælt lítilega og smátt skorin graslaukur settur ofaná.

Njótið þess að deila uppskriftinni áfram á síðurnar ykkar.

Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Fiskréttir