Ofnbökuð Langa í Balí sósu frá Toro

March 20, 2024

Ofnbökuð Langa í Balí sósu frá Toro
Ég elska að prufa nýja rétti eins og hugsanlega mörg ykkar eruð farin að kannast við og hérna lagði ég upp með að vera með Tikka Masala sósuna frá Toro og myndaði hana með en breytti svo snögglega í Balí sósuna þar sem ég taldi hana eiga betur við í þetta sinn, geri hina bara seinna.

500-600 gr Langa
1 pk af Bali sósu frá Toro eða Tikka Masala
1 peli af kókosrjóma, sjá mynd
1/2 rauð paprika, sneidd
10 tómatar litlir
2.stk Skarlottlaukur, niðurskorin
Mosarellaostur

Hitið sósuna upp í potti samkvæmt leiðbeiningum, ég notaði þarna Kókosrjómann.

Raðið fiskinum jafnt í eldfast mót ásamt paprikunni, tómötunum og lauknum

Hellið svo Bali sósunni yfir 

Stráið svo mosarella ostinum jafnt yfir og setjið inn í ofn á 180°c í um 20-25 mínútur.

Með þessu bar ég fram hýðishrísgrjón 1.dl á móti 2-3 dl af vatni og sauð í alveg 30 mínútur, þau þurfa aðeins lengri suðu en þessi venjulegu.

Ég skreytti réttinn svo með vatnakarfa frá Lambhaga, gefur smá lit.

Verði ykkur að góðu.

Uppskrift og myndir
Ingunn Mjöll

Velkomið að deila áfram, hjartans þakkir fyrir það.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

Skildu eftir athugasemd

Nafn *

Netfang *

Athugasemd *

---

Einnig í Fiskréttir