Heimagerðar fiskibollur

July 03, 2024 2 Athugasemdir

Heimagerðar fiskibollur!
Hérna kemur mín uppskrift af heimagerðum fiskibollum, afar einföld og einstaklega góð. Einfalt líka að gera þær líka í sinni stærð, hvort heldur að hafa þær litlar, miðlungs eða stórar.

1 kíló af þorsk/ýsu
1 laukur eða tveir eftir því hvað mikið þið viljið hafa
1 egg
Hveiti, ég notaði 2-3 dl en best er að hver og einn finni hvað hann vill hafa mikið
Salt og pipar, ég notaði um 2-3 tsk af hvoru en en best er að smakka smá af blöndunni og bæta þá bara aðeins meira af hvoru eftir eigin smekk, sumir vilja meira salt, aðrir meira af pipar.
Smjörlíki/smjör/olí, ég notaði smjörlíki 

Skerið fiskinn í bita og laukinn og setjið í hakkavél/matvinnsluvél, eftir því sem þið eigið til. Bætið við egginu og hrærið saman við (fyrir þá sem eru með eggjaofnæmi þá er bara að sleppa því) byrjið svo á að bæta 1 dl í einu af hveitinu og hrærið og bætið svo við eftir því sem ykkur finnst og saltið svo og piprið eftir ykkar smekk.



Mótið fiskibollurnar með skeið eða í höndunum og steikið á pönnu á báðum hliðum í um 10.mínútur. Þegar bollurnar eru tilbúnar, takið þær þá af pönnunni og bætið um 500 ml af vatni á pönnuna og einum kjötkrafts tening og þykkið svo með Maizenamjöli fyrir brúna sósu. Já og munið  að sjóða kartöflurnar með.



Þær bollur sem ekki eru borðaðar eru setta í poka og beint í frystinn til að njóta síðar.

Njótið þess að deila uppskriftinni áfram á síðurnar ykkar.

Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

2 Svör

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Fiskréttir