Fiskibollur í karrísósu
Heimagerðar fiskibollur eða tilbúnar keyptar, allt eftir því hvað hentar ykkur best, ekkert rétt né rangt. Hérna var ég með lauk með, dásamlega gott kartöflusalt og rúgbrauð með smjöri, himnesk blanda.
5-6 fiskibollur stórar
2 pk af Karrísósu frá Toro
1 tsk af karríkryddi
2 dl af mjólk
2 dl af vatni
Setjið vatn og mjólk í pott og kveikið undir. Bætið fljótlega saman innihaldinu úr tvemur pökkum af Karrísósunni og hitið á vægum hita þar til þið sjáið að sósan byrjar að þykkna.
Skerið fiskibollurnar niður í ca 6 bita og bætið út í sósuna ásamt 1/2 niðurskornum lauk og látið malla í um 10 mínútur eða þar til allt er orðið heitt í gegn.
Berið fram með dásamlegu kartöflusalati, nú eða nýjum kartöflum og glænýju rúgbrauði með smjöri.
Uppskriftina af kartöflusalatinu má sjá hérna.
Dásamlegt ef deilt er áfram, hjartans þakkir fyrir það.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Pönnusteikt bleikja!
Ég verslaði mér eitt ljúffengt stk af bleikju frá Svenna í Fiskbúð Fúsa. Ég kryddaði það með dásamlega góða og ferska Fisk kryddinu frá Mabrúka deginum áður og steikti svo á pönnu. Með því bar ég fram ferskt salat og Sætkartöflusalat líka, svakalega gott allt saman.
Steikt rauðspretta með sítrónukeim!
Rauðspretta er ein af mínum uppáhalds og ég er farin að kaupa hana reglulega og elda mér og þar sem ég hef svo gaman af því að prufa nýjar aðferðir eða krydd þá er ég hérna með Sítrónupipar frá Mabrúka sem var einstaklega ferskt og gott. Með þessu bar ég fram sætkartöflu salat sem var æðislega gott með.
Túnfisksteik með bearnise!
Þetta er í 3 sinn sem ég er með Túnfisk steik á gamlárs og er alltaf að bæta mig í eldun á blessaðri steikinni. Í þetta sinn þá var ég með heimagrafinn lax í forrétt og með Túnfisk steikinni sem ég keypti í þetta skiptið i Hafið fiskverslun.
