Vestfirskar hveitikökur.

500 gr hveiti

2 msk sykur

4 tsk lyftiduft

1 tsk salt

1/2 tsk hjartarsalt

100 gr smjörlíki (við stofuhita)

1 3/4 dl nýmjólk

1 3/4 dl súrmjólk

Ljósmynd:Þorsteinn

Ég set þurrefni og smjörlíki í hrærivélarskál, læt það blandast vel saman, við hægan snúning. Blanda saman mjólk og súrmjólk í skál, ég nota að vísu mæli könnu. Hræri deigið í ca 20 sek á fullum snúning, forma deigið í lengju, sker lengjuna í 6 hluta og smá enda sem sjöunda hlutann. Flet út, nota disk sem er 21 cm í þvermál, set afskurðinn með endanum, þá passar þetta í 7 kökur. Ég baka kökurnar á pönnu úr steypujárni við svona meðal hita. Maður finnur hitann fljótt út þegar maður fer að baka kökurnar.

Þær eru bakaðar á alveg þurri pönnu.

Ég fæ 14 kökur út úr kílói af hveiti segir Þorsteinn. Þetta fer líka eftir stærð, ég nota sama disk og við notum við laufabrauðsgerð, hann er 21 cm í þvermál.

Hann bakaði þarna 3falda uppskrift og uppskar 21 gómsæta vestfirskar hveitiköku.

Ég veit að það eru til fleiri uppskriftir af þessum kökum, en þetta er sú sem ég nota, já, og notað mikið segir hann Þorsteinn 

Hjartans þakkir fyrir Þorsteinn

Þess má til gamans geta að ég sjálf (Ingunn) á ættir að rekja til Vestfjarða, nánar tiltekið frá Eiði í Hestfirði sem nú er komið í eyði.

Deilið með gleði.