Heimabakaðar skonsur!
Ég skellti mér í bakstur á skonsum loksins þar sem ég var að fara gera Skonsubrauðtertu með hangikjöti. Loksins segi ég nú bara en hún hafði verið á listanum mínum lengi.
Ég studdist við uppskrift sem ég hafði fengið fyrir löngu síðan en þar var uppgefið hitastigið 1-1 1/2 sem hlýtur að hafa verið á gamalli eldavélahellu því ég fór að sjálfsögðu eftir þessu, vildi ekki branna skonsurnar og því tók þetta heljarinnar tíma, hátt í hálftíma hver og ein, ha ha en þær brunnu svo sannarlega ekki og hver og ein þeirra varð betri sem ég bakaði, svona eins og með pönnukökurnar.
Ég fékk ansi góðar ábendingar frá einni sem ég er afar þakklát fyrir og hún er að hækka hitann, ég geri það næst! Ég ætlaði að benda á að þessar væru þolinmæðisverk en, munið, hækka hitann.
Hefjum baksturinn
Ég pískaði þessu öllu saman
Ég skipti deginu jafnt í glös til að skonsurnar yrðu nú örugglega jafn stórar
Síðan eru skonsurnar bakaðar á pönnukökupönnu eða á stærri pönnu eins og ég gerði en ég notaði flata pönnu sem ég á frá Salatmaster því ég vildi hafa skonsubrauðtertuna stóra og fallega.
Þurrefnunum og eggjum er hrært fyrst saman (m. písk eða í hrærivél) mjólkinni er bætt út í smátt og smátt og smjörinu. Síðan eru skonsurnar bakaðar á pönnukökupönnu við frekar lágan hita (1 til 1 1/2) á þessum gömlu en á nýjum eldavélum má alveg hækka hitann upp í 3-4, þið finnið út úr þessu eins og ég og verðið meistarar í næsta sinn.
Deilið með gleði...
Þið finnið okkur líka á Instagram
Vertu velkomin að koma og vera með í Köku & baksturs hópnum á facebook
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
