Hunangsvalhnetu bananabrauð!
Skellti í þessa uppskrift lokssins núna en hún er búin að vera í uppskriftasafninu mínu í mörg ár og ég man ekkert hvaðan hún er komin en ljúffeng var hún.
Hráefni:
- 1 1/2 bollar heilhveiti
- 1/2 bolli rúllaðir hafrar
- 1 tsk matarsódi
- 1/2 tsk kanill
- 1/2 bolli hunang
- 2 egg
- 1 bolli maukaðir bananar
- 1/4 bolli saxaðar valhnetur
Hrærið saman þurrefnum, hunangi og eggjum, stappið bananana og bætið þeim saman við og blandið vel.
Setjið blönduna í bökunarmót. Ég ákvað að setja mitt í svona kringlótt mót en hæglega er hægt að setja í brauðmót. Setjið inn í ofn á 180°c í um það bil 50 mínútur en stingið með prjóni í brauðið og takið stöðuna og ef prjóninn kemur blautur út þá má það vera örlítið lengur, ef þurr, þá er brauðið tilbúið.
Fallega skorið niður
Og dásamlega gott ilvolgt með smjöri og osti. Daginn eftir og þar á eftir þá sker ég niður sneið og set í brauðristina og þá verður það eins og glænýtt. Brauðið má líka skera niður í sneiðar og frysta.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Köku & baksturs hópnum á facebook
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Heimabakaðar skonsur!
Ég skellti mér í bakstur á skonsum loksins þar sem ég var að fara gera Skonsubrauðtertu með hangikjöti. Loksins segi ég nú bara en hún hafði verið á listanum mínum lengi.
