Normalbrauð

April 22, 2022

Normalbrauð

Normalbrauð 
Stundum dettur maður í lukkupottinn og þetta er svo sannarlega einn af þeim og það er að fá þessa dásamlegu uppskrift af Normalbrauði frá henni Sigrúnu Sigmars en hún er fjársjóður þegar kemur að uppskriftum og þetta er ekki sú fyrsta sem kemur frá henni. Takk Sigrún!

3 dl volgt vatn
1 tsk sykur
2 tsk salt
250 gr rugsigtimjöl
250 gr hveiti
25 gr smjörlíki eða smjörvi
1 bréf þurrger (12 gr)

Setjið öll hráefnin í skál og hnoðið vel.
Takið deigið og hnoðið í kúlu, látið hefast undir klút í 10.mín.
Skerið ca.150-200 gr af deiginu og skiptið því í tvo hluta.
Rúllið hvorum hlutanum þannig að hann passi í hliðarnar á mótinu.
Smyrjið mótið vel með smjörlíki.
Setjið hlutana tvo í hliðarnar á mótinu (forminu).
Brjótið deigið saman sem eftir er og rúllið því upp í rúllu. 
Smyrjið rúlluna vel með smjöri og setjið það í formið á milli hliðanna.
Setjið plastfilmu yfir og látið það lyfta sér alveg upp að brún á mótinu.
Setjið ofnskúffu undir grindina í ofninum, hellið hálfu glasi af vatni í skúffuna og lokið strax ofninum.
Bakið í 10.mínútur á 230°c (forhitið ofninn) og lækkið þá niður í 200°c í blástursofni og bakið í 30.mínútur.
Takið brauðið úr ofninum og losið það frá forminu. Takið síðan hliðarnar frá brauðinu.

Uppskrift & mynd:Sigrún Sigmars


Njótið vel

 Vertu velkomin að koma og vera með í Köku & baksturs hópnum á facebook


EÐA 

Vertu velkomin að koma og vera með Brauðtertur & heitir réttir hópnum á feisbók





Einnig í Bakstur

Kókoskúlur
Kókoskúlur

January 29, 2023

Kókoskúlur
Gömlu góðu kókoskúlurnar standa alltaf fyrir sinu, auðveldar og góðar og gaman að búa til með krökkunum.

Halda áfram að lesa

Ensk ávaxtakaka
Ensk ávaxtakaka

December 11, 2022

Ensk ávaxtakaka
Hérna höfum við fengið líka uppskrift af Enskri ávaxtaköku sem hún var til í að deila með okkur hún Jónína Ögn Jóhannesdóttir á síðunni Kökur & bakstur og bætist hún þá við Ensku jólakökuna.

Halda áfram að lesa

Ensk jólakaka að hætti Láru
Ensk jólakaka að hætti Láru

December 08, 2022

Ensk jólakaka að hætti Láru
Þessa dásamlegu uppskrift gaf hún Lára mér leyfi til að deila hér með ykkur sem hún gerði fyrir stuttu síðan. Kakan sló heldur betur í gegn hjá þeim sem fékk

Halda áfram að lesa