Hvít lagterta
Ég man hvað það var gott að fá lagtertur hjá ömmu Jónu en hún bakaði þær báðar fyrir hver jól ásamt ýmsu öðru góðgæti og á jóladag hittist stórfjölskyldan ávallt hjá henni en þegar hún stækkaði þá vorum við farin að skipta okkur í tvo hópa, svo minningarnar ilja svo sannarlega.
500 g hveiti
250 g strásykur
250 g smjörlíki, mjúkt
2 tsk lyftiduft
1/4 tsk hjartarsalt
1 tsk salt
1 tsk vanilludropar
2 dl mjólk
Sveskjusulta eða önnur að eigin vali
Smjörlíki og sykur er hrært vel saman. Skipt yfir í hnoðspaða ef þetta er gert í hrærivél, annars má hnoða deigið á borði.
Þurrefnum blandað saman og smjörhrærunni hnoðað saman við ásamt mjólkinni.
Deigið kælt um stund.
Flatt út í 3 kökur jafnstórar og bakaðar á bökunarplötu og bakaðar við 190° hita í ca 15-20 mín.
Gott að fylgjast með hvað bakstrinum líður svo botnarnir verði ekki of harðir.
Botnarnir lagðir saman volgir með sveskjusultu eða annarri góðri sultu.
Uppskriftin kemur frá leiðbeiningarstöð heimilanna.
Ljósmynd:Ingunn Mjöll
Uppskrift að hvítri lagtertu
1 kg hveiti
500 gr sykur
500 gr smjörlíki
5-6 egg
2 tesk. natron
1/2 tesk. lyftiduft
Hráefnunum er blandað saman og smjörlíkið mulið út í. Öllu hrært saman ásamt eggjum. Deigið er hnoðað og fatt út á fjórar plötur, bakað við 175° í 20 mínútur.
Plöturnar eru kældar og smurðar með sultu áður en þær eru settar saman.
Uppskrift af Vísir.is
Vertu velkomin að koma og vera með í Köku & baksturs hópnum á facebook
Nei, ég meina fyrri…
Vantar ekki eggin í seinni uppskriftina? Eiga að vera 5-6 egg þar líka?
Athugasemdir verða samþykktar áður en þær birtast.
Kryddbollur!
Toro mix, já ég kaupi það stundum og finnst það rosalega gott, aðeins þarf að bæta saman við það olíu og eggi og ég set oftar en ekki mikinn hluta þess í frysti og tek út með súpum ofl. Hérna skellti ég í kryddbollur og eitt svona flatbrauð til að hafa með baunasúpunni sem ég bjó til.
Uppskrift að churros-kökum!
Churros-uppskrift með súkkulaði eða flórsykri. Keypt tilbúið eða gert frá grunni.
Ég fann eina uppskrift af þeim fyrir þá sem vilja skella í Churros veislu en margir þekkja þetta frá Spáni, Grikklandi og fleirri löndum.
Hunangsvalhnetu bananabrauð!
Skellti í þessa uppskrift lokssins núna en hún er búin að vera í uppskriftasafninu mínu í mörg ár og ég man ekkert hvaðan hún er komin en ljúffeng var hún.
Ingunn Mjöll
October 25, 2024
Sæl Friðrika
Takk fyrir fyrirspurnina. Samkvæmt þeirri uppskrift sem kemur frá Leiðbeiningastöð heimilanna þá koma engin egg þar fyrir í uppskriftinni en þar er mjólk sem er svo ekki í þeirri seinni, þar eru egg. Önnur þeirra eggjalaus og hin mjólkurlaus. Vona að þetta svari spurningunni þinni.
Bkv.
Ingunn Mjöll/Islandsmjoll