Rjómalöguð aspassúpa
(einföld og fljótleg)
Hljómar vel þessi uppskrift en finna má svo mína eigin útgáfu fyrir neðan sem ég hef notast við síðustu árin, súper einföld og góð.
1 l vatn
2 l nýmjólk
1 - 2 pakkar af aspassúpa Toro
4 grænmetisteningar
2 nautateningar
1 rífleg matskeið af paprikudufti
1 stór dós ljós aspas (með soðinu)
150 g smjör
1 dós grænn stór aspas (soðið ekki með)
Þeyttur rjómi
Blandið saman nýmjólk og pakka af aspassúpu í potti.
Hrærið stöðugt þar til suðan kemur upp.
Bætið teningum og paprikudufti við ásamt ljósa aspasinum.
Látið malla í um það bil 2 klukkustundir.
Bætið 150 gr af smjöri í potti og búið til smjörbollu með hveiti.
Þeytið það út í með písk. Bollan má alls ekki vera of þykk.
Þessu er svo þeytt út í súpua til að þykkja hana.
Bætið grænum aspas út í og látið malla örlítið til viðbótar.
Setjið 3-4 matskeiðar af þeyttum rjóma út í súpuna í lokin.
Berið fram með rjómaslettu og paprikudufti.
Uppskrift úr Fréttablaðinu....
Mín eigin útgáfa að Aspassúpu
2.pk af Toro pakkasúpu (nýti það sem kryddið)
100 gr smjörlíki
1 1/2-2 lítrar af mjólk
Grænn aspas og notið safann líka
Bræðið smjörlíkið og setjið pakkana út í pottinn og hrærið vel saman.
Bætið út og þynnið hægt og bítandi með mjólkinni og setjið svo safann af aspasinum útí líka. Smakkið til að bætið út í grænmetis tening ef þurfa þykir, smá salti & pipar. Setið svo aspasinn út í rétt áður en súpan er borin fram.
Það má setja líka smá slettu af þeyttum rjóma ofan á súpuna þegar hún er komin á súpudiskinn.
Borið fram með smá bollum eða nýbökuðu brauði, sjá uppskrift hér.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
