Chilli sulta-3 útfærslur!

September 13, 2021

Chilli sulta-3 útfærslur!

Chilli sulta
Ein af mínum uppáhalds með ostum og hérna eru 3 útfærslur af henni handa okkur öllum, eitthvað fyrir alla.

3 rauðar paprikur
14 litlir chilli þurrkaðir (Died hot chillies)
5 ½ bolli sykur
1 ½ bolli borðedik
5 tsk sultuhleypir (pektín)
Chilli sett í pott og soðið í vatni í 15 mín. Paprika og chilli sett í mixara eða hakkavél, svo í pott með sykri og ediki.
Soðið í 10 mín. Hleypirnum stráð yfir, 1 tsk í einu og soðið í 1 mín. Sett heitt í krukkur.

Athugasemd frá mér: Það er örugglega hægt að nota ferskan chilli.
Man heldur ekki hvort þessu tegund af þurrkuðum chilli er til eða ekki. Það er orðið langt síðan ég hef gert þessa sultu en man samt að hún er góð. 

Kveðja Ragnhildur Ólafsdóttir


Chillisulta.

Hráefni:
4 stk. stórar rauðar paprikur
5-6 ferskur rauður chillipipar
1 kg. sykur
1 og 1/2 bolli borðedik
ca. 5 tsk sultuhleypir

Aðferð:
Paprikan er kjarnhreinsuð og skorin í bita. Chillipiparinn og paprikan sett í matvinnsluvél og maukað.
Maukið er svo sett í pott ásamt sykrinum og edikinu og soðið í ca. 20 mínútur. Sultuhleypirinn settur út í og soðið í ca 2 mínútur í viðbót.

ATH: Ekki á að hreinsa fræin úr chillipiparnum.

Sultan á ekki að vera þykk því hún stífnar við það að kólna.
Ef þið viljið ekki sultuna sterka þá bara sleppi þið því að setja fræin úr einum eða svo af piparnum þá verður hún mildari.

Uppskrift frá henni
Jónheiði Haralds


Chilisulta

Hráefni: 
½ kg paprika,
rauðar og gular
5 ferskir chili pipar
2 gulrauð epli
½ kg sykur eða hrásykur
2 tsk sultuhleypir

Aðferð:

  1. Hreinsið og saxið allt hráefnið og setjið í pott.
  2. Soðið í mauk. það tekur u.þ.b. 30-40 mín, hrærið í annað slagið.
  3. Sigtið í gegnum venjulegt vírsigti.
  4. Hellið aftur í pottinn og látið suðuna koma aftur upp.
  5. Hrærið sultuhleypinum út í.
  6. Hellið í sótthreinsaðar krukkur og kælið.


    Deilið með gleði.

    Ath. að pakkinn undir sultunni er frá Hjartalag.is en hann er svo einstaklega fallegur á borði undir allsskonar gúmmelaði.




Einnig í Sultur & súrsað

Grunnlögur fyrir síldarmareneringu
Grunnlögur fyrir síldarmareneringu

April 16, 2022

Grunnlögur fyrir síldarmareneringu
Hérna kemur ein grunn uppskrift af mareneringu af síld fyrir þá sem vilja búa til sína eigin og bæta þá út sitt uppáhalds aukalega.

Halda áfram að lesa

Sígild síldarsalöt fyrir jólin
Sígild síldarsalöt fyrir jólin

April 16, 2022

Sígild síldarsalöt fyrir jólin 
Eitt af því sem tilheyrir svo jólunum er síldin og þá sérstaklega jólasíldin þótt allar hinar eigi sinn stað líka og eru góðar yfir allt árið.

Halda áfram að lesa

Rabarbara ghutney
Rabarbara ghutney

September 18, 2021

Halda áfram að lesa