Bóndakökur
Þessar eru æðislegar, fljótgerðar og fljótbakaðar og bráðna í munni eins og aðrar smákökur. Hvaðan nafnið er komið er mér hulin ráðgáta en væri gaman að vita, svo ef þú hefur haldbærar upplýsingar máttu deila því með okkur hérna undir í commenti.
800 gr hveiti
500 gr smjörlíki
500 gr sykur
300 gr kókosmjöl
5 msk síróp
4 tsk matarsódi
4 egg
Hnoðað deig. Velt í lengjur sem skornar eru í jafna bita.
Hver biti er hnoðaður milli handanna í kúlur sem látnar eru á smurða plötu og flattar út með breiðu hnífsblaði eða gaffli.
Bakaðar á blæstri við 150-160 gr i ca 10.mínútur
Myndir fengnar að láni hjá Bjarney Guðmundsdóttir á hópnum Kökur & bakstur
Hérna er önnur útgáfa af Bóndakökunum sem ég hef átt í mörg ár en ólíkar eru þær vissulega. Hugsanlegt að margir hafi skírt smákökurnar sínar í höfuðið á bóndanum sínum ;)
Ath.að myndin hér að ofan passar ekki við uppskriftina hér að neðan.
Bóndakökur
150 gr hveiti
400 gr haframjöl
½ tsk sódaduft
100 gr smjörlíki
100 gr sykur
1 msk sýróp
1 egg litið
Hnoðað deig. Velt í lengjur sem skornar eru í jafna bita.
Hver biti er hnoðaður milli handanna í kúlur sem látnar eru á smurða plötu og flattar út með breiðu hnífsblaði eða gaffli.
Kökurnar eru bakaðar í miðjum ofni í 8-10 mín.
Hiti 200-225°c. Jafn undir og yfir hiti.
Vertu velkomin að koma og vera með í Köku & baksturs hópnum á facebook
Athugasemdir verða samþykktar áður en þær birtast.
