Spaghetti Carbonara
Frægur Ítalskur réttur sem hentar vel með margsskonar pasta tegundum en hérna notum við spaghetti.
400 g spaghetti
200 g beikon, skorið í fína bita
1 laukur, saxaður
2-3 hvítlauksgeirar,kurlaðir
2 egg
1 peli rjómi / matreiðslurjómi
50-100 g parmasen ostur
salt og svartur pipar
Spaghettíið soðið samkvæmt leiðbeiningum á pakkningunni
Beikon steikt á pönnu, lauk og hvítlauk bætt út.
Allt saman við vægan hita ( passa að brenna ekki)
steikt þar til laukurinn er orðinn mjúkur.
Eggjum, rjóma og parmasen hrært saman í skál.
Bragðbætt með pipar og salti ef þarf.
Smakka til. ( Ath. parmesanostur og beikon gefa nokkurt salt)
Soðnu spaghettíinu hellt í sigti. Hitin lækkaður undir pönnunni.
Síðan er spaghettíinu rennt út í pönnuna með beikoninu
og eggjahrærunni hrært síðast saman við.
Blandað vel saman og borið fram með hvítlauksbrauði eða smábrauði með kryddsmjöri.
Deilið með gleði..
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Lasagna með spínati og hakki!
Hérna er á ferðinni einstaklega gott heimagert lasagna með blönduðu hakki, spínati, rauðlauk og hvítri sósu ofl. Mjög gott að skella í stórt eldfast mót ef margir eru í mat en annars er gott að setja í minni mót og skella þeim í frystinn. Alltaf gott að eiga til góða.
Sveppapasta!
Gourme pasta með Furusveppasósu og Furusveppum, pastað ættað frá Ítalíu, sósan frá vestfjörðum okkar fagra Íslands og handtýndir furusveppir frá Hallormsstað á austfjörðunum. Svakalega góð blanda sem ég hreinlega elskaði. Ég verð líka að bæta því við að bæði sósan og sveppirnir fást líka sem Lerkisveppasósa og sveppir. Allt alveg dúndurgott!
Tagliolini al Tartufo!
Skellti mér í bíltúr í Háls í Kjós til að versla mér smávegis nautakjöt beint frá býli en þar voru þau að selja líka sælkeravörunar frá Tariello svo ég verslaði mér þetta líka fína pasta sem endaði svo með hágæða íslenskum vörum og úr varð Sælkeramáltíð fyrir allan peningin. Þetta er eitt það allra besta pasta sem ég hef fengið.
