Tagliolini al Tartufo!
Skellti mér í bíltúr í Háls í Kjós til að versla mér smávegis nautakjöt beint frá býli en þar voru þau að selja líka sælkeravörunar frá Tariello svo ég verslaði mér þetta líka fína pasta sem endaði svo með hágæða íslenskum vörum og úr varð Sælkeramáltíð fyrir allan peningin. Þetta er eitt það allra besta pasta sem ég hef fengið.
4 kúlur af Taglionlini pasta
Hálf krukka af Lerkisveppunum (setjið þá í vatn til að bleyta þá upp og mýkja)
1 pk af Lerkisveppasósu frá Vilt að vestan.
Lerkisaltflögur eða venjulegar, ég keypti mína frá fyrirtækinu Holt og heiðar frá Hallormsstað þegar ég fór þangað en það er væntanlega hægt að finna eitthvað sambærilegt. Sósurnar frá Vilt að vestan fást orðið í Hagkaup síðast þegar ég vissi og á Matarmarkaðinum í Hörpu þegar hann er haldinn, hvorutveggja sem ég mæli 100% með.
Parmesan ost, rifin
Sjóðið pastað sér og útbúið sósuna. Í sósuna er bætt 2 dl af rjóma og 1 dl af vatni
Þegar pastað er soðið og sósan er tilbúin þá er um að gera að setja sósuna yfir pastað og sveppina líka, ég skar svo niður nokkra smátómata líka og bætti saman við, það er þetta extra.
Með þessu var ég með hvítlauksbrauð, sneiðar sem ég keypti 10 saman í poka í Bónus, frystinum, gott að eiga, vont að vanta ;)
Toppað svo með rifnum parmesan osti, algjörg möst.
Afgangarnir!
Eins og margir þekkja orðið hjá mér þá fara afangarnir aldrei til spillis og hérna smellti ég saman nokkrum.
Pastað, maiz hrært saman og hitað upp
Tvær sneiðar af hvítlauksbrauði sett inn í ofn
Hræran sett ofan á brauðsneiðarnar
Eitt steikt egg þar ofan á
Toppað með rifnum parmesan osti.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Sveppapasta!
Gourme pasta með Furusveppasósu og Furusveppum, pastað ættað frá Ítalíu, sósan frá vestfjörðum okkar fagra Íslands og handtýndir furusveppir frá Hallormsstað á austfjörðunum. Svakalega góð blanda sem ég hreinlega elskaði. Ég verð líka að bæta því við að bæði sósan og sveppirnir fást líka sem Lerkisveppasósa og sveppir. Allt alveg dúndurgott!
Toro réttur með nýrnabaunum!
Áfram heldur einfaldleikinn svona inn á milli, Toro mix og nýrnabaunir sem var einstaklega ljúffengur réttur fyrir þá sem eru hrifnir af hversskonar baunum. Hægt er að nota flestar tegundir bauna í hann þennan og má þá nefna t.d. Nýrnabaunir, Svartar baunir, kjúklingabaunir og Smjörbaunir.
