Víðimýrarkirkja
Hvað oft hefur maður ekki keyrt þarna framhjá án þess að taka hægri beygju rétt áður en maður kemur að Varmahlíð (7.kílómetrum frá) jú ansi oft eða bara í öll skiptin þar til núna í sumar 2020 og ég er glöð yfir því að hafa gert það því þarna er fallegt bæjarstæði og ofur falleg kirkja en hún var reist árið 1834. 
Það hefur verið gífurlega mikil traffík þarna á síðustu árum og þegar ég bar að garði þá hafi staðarhaldarinn ekki náð svo mikið sem einum kaffisopa, hvað þá með því en hann stendur vaktina þarna í gott sem 9.tíma á dag sem verndari kirkjunnar og getur fólk fengið að skoða kirkjuna að innan gegn smá greiðslu enda hefur hún þarfnast viðhalds eins og önnur hús og hann sagði mér nú afar skemmtilegar sögur, ja kannski ekki allar eins skemmtilegar en vissulega áhugaverðar og þær voru á þann veg þegar fólk væri ekki að greiða inngangseyrir en lægi svo á gluggunum af mikilli forvitni að komið hefði fyrir að fólk hefði hreinlega brotið gluggana, broslegt svo ekki sé nú meira sagt, kannski ódýrara að greiða bara inngangseyrir og njóta í sátt enda söguleg kirkja og falleg.
Fyrir áhugasama þá er hægt að lesa hérna meira um kirkjuna og önnur kirkjustæði í kringum landið.
*
Hestarnir þarna vöktu mikla athygli ferðamanna og ég var þar engin undartekning því þeir heilluðu mig algjörlega upp úr skónum og þá sérstaklega þessi eini, það má segja að mér hafi verið vel tekið.
Heislað með virktum og kysst.
Víðimýri er bær í Skagafirði, fyrir sunnan og ofan Varmahlíð, og tilheyrði Seyluhreppi áður. Bærinn er gamalt höfuðból og var í lok 12. aldar og á 13. öld bústaður helstu höfðingja héraðsins af ætt Ásbirninga, frá Kolbeini Tumasyni til Kálfs sonar Brands Kolbeinssonar, sem vitað er að bjó þar 1262.
Látið þennan sögulega fallega stað ekki framhjá ykkur fara í næstu ferð norður á land, hann er rétt áður en komið er að Blöndós.
Athugasemdir verða samþykktar áður en þær birtast.
Námskeið Salt eldhússins!
Þegar maður er búin að fylgjast með spennandi námskeiðum hjá Salt eldhúsinu í þó nokkurn tíma þá freistast maður á endanum og maður getur alltaf lært eitthvað nýtt. Ég valdi að fara á námskeiðið í Jólahlaðborðinu hjá þeim þar sem við settum saman 10 rétta jólahlaðborð.
Fiðrildi.is - Ásdís Guðmundsdóttir
Fiðrildaferðir er ferðaskrifstofa stofnuð árið 2025 af Ásdísi þar sem hún leggur mikla áherslu á samfélags- og menningartengda ferðamennsku. Þetta hugtak vísar til ferðaþjónustu sem er þróuð af heimamönnum í samstarfi við samfélög á svæðinu og þar sem áhersla er á að virðisaukinn verði eftir á svæðinu.
Slow Food markaður í Flóru!
Slow Food heldur reglulega markaði hér og þar og hérna voru þau með markað í Flóru-grasagarðinum þann 27.september. Ég elska að líta á allsskonar matartengda markaði enda hefur matur og allt sem honum tengist verið eitt af mínum aðal áhugamálum frá unga aldri.
