Steinasafn Petru
July 29, 2020
Steinasafn Petru
Staðsett á Stöðvarfirði
Ég var aðeins um 8.ára gömul þegar ég hitti hana Petru og minningin hefur verið afar sterk síðan en þá var steinasafnið hennar eingöngu í einu herbergi.
Hún gaf mér alveg dásmlega fallegan stein sem var eins og gull í mínum huga þá og er mér afar dýrmætur enn þann daginn í dag. Hún er hugsanlega ástæða fyrir því hvað ég hef verið mikil steinkona síðan, alltaf að safna steinum, vinna úr steinum, vinna með steina og berandi þá sem skart.
Steina ÍslandSteinninn sem hún gaf mér heitir Kalsedón/Chalcedony og merking hans á þennan veg.
"Hann færir fólki gleði og aðstoðar við lausn vandamála. Styrkir blóðrás og meltingu.Eflir vináttu, velvilja og innri frið"
(Ég hugsa að ég fari nú að ganga með blessaðan steininn, þarna er allt sem mig vantar).
Steinar eru æði!
Ég hafði ekki komið þangað aftur frá þessum unga aldri mínum þar til árið 2017 og vorum við frekar seint á ferðinni og rétt sluppum inn á safnið sem er ekkert eitt herbergi í dag, heldur heilt hús og risa garður. Náðum við að skoða í um klukkustund, ég mæli með góðum tíma þarna, alveg 2 klukkutímum, alveg lámark ef þú vilt njóta þess að skoða vel.
Petra Sveinsdottir byrjaði ung að safna steinum og þótti henni það ekki tiltökumál að skottast upp um fjöll og firnindi og fylla töskuna af allsskins steinum og söguna hennar má lesa í alveg dásamlegri bók sem var gefin út af honum Þorgrími Þráins árið 2011 og mæli ég 100 prósent með bókinni þar sem saga hennar og steinanna er rakinn máli & myndum.
Ath að safnið er opið frá 10-17 á daginn i sumar svo það er gott að hafa það í huga þegar heimsækja á austfirðina.
Facebook síðan þeirra má finna
hérna.
Skildu eftir athugasemd
Athugasemdir verða samþykktar áður en þær birtast.
