Segull 67, fjölskyldubrugghús.
Ég kíkti þarna inn hjá þeim einn daginn í byrjun júní og fékk að skoða smá þótt ekki væri hin hefðbundna Brugghús ferð í gangi, enda var konan á bíl. Ég á þetta bara eftir og verð þá búin að redda mér gistingu á svæðinu enda af mörgu að taka, sjá og upplifa.
Ég hef reyndar í gengum árin ekki verið nein sérstök áhugamanneskja um bjór en hef svona verið að færa mig upp á skaftið í að smakka allsskonar tegundir og finnst mér þær misjafnar eins og þær eru margar. En þeir koma margir sterkir inn og ég er persónulega hrifnari af dökkum bjór en ljósum og eftir að hafa verslað mér nokkrar og smakkað þá kemur Segull67 sterkastur inn hjá mér enn sem komið er af þeim tegundum sem eru í boði hjá þeim.
Marteinn B.Haraldsson
Ég hefði gjarnan viljað kaupa hjá þeim blandaða rútu til að gæða mér á og geta sagt ykkur frá minni upplifun en það var ekki í boði þá stundina en mér skilst að það sé nú hægt að kaupa beint af brugghúsunum eftir breytingar á lögum, mér persónulega finnst mikið frelsi í því, svona bara eins og þegar maður skreppur erlendis.
Viti menn,, þann 29.júlí 2022 fengu þau leyfi til að selja á framleiðslustað! Hipp hipp, húrra,,,
Bjórverksmiðjan Segull 67 opnaði á Siglufirði rétt fyrir jólin 2015 þegar hinn frábæri jólabjór þeirra koma á markaðinn.
Segull 67 er staðsett í hinu rómaða sjávarþorpi Siglufjarðar.
Ég hitti þau eigendur þegar ég leit þarna inn, þau Martein og Fanney ásamt föður hans, móðir og syni. Þetta er lítið fjölskyldubrugghús þar sem afi hans og faðir ásamt fjölskyldu hjálpa til og hann sagði mér t.d. að pabbi hans ætti heiðurinn af öllu ryðskrautinu og ýmsu öðru,, sem mér finnst reyndar mjög flott, segir svo mikla sögu staðsins. 
Haraldur Marteinsson og Nói, Marteinn Haraldsson, Fanney Kristín Vésteinsdóttir og Kolbrún Gunnarsdóttir.
Nafnið Segull segja þau vera tengdann við segulnálina úr áttavitanum sem snýr alltaf norður, sama hvar þú ert og að talan 67 hafi lengi verið happatala fjölskyldurnnar, bæði tengt bílum og bátum, skemmtilegt.
Brugghús er staðsett í gamalli en ný upgerðri fiskverksmiðju.
Hægt er að panta sér Brugghúsferð og smökkun á síðunni þeirra, sjá hér og eins líka einkaferð. Eins líka að fylgjast með viðburðum hjá þeim sem eru þar reglulega.
Feisbókarsíðan má finna hér
Þessa 5 keypti ég í Á.T.V.R og prufaði einn af öðrum. Enn stendur Segull 67 uppúr hjá mér, Purkur IPA er ágætur, pínu rammt bragð á eftir, vinir mínir voru mjög hrifnir af honum enda kannski meira í bjórmenningunni heldur en ég, Sólstingurinn kemur sterkur inn og svo á ég eftir að prufa hina tvo, skelli því hérna inn þegar því er lokið.
Texti & myndir
Ingunn Mjöll
Deilið með gleði.
Athugasemdir verða samþykktar áður en þær birtast.
Námskeið Salt eldhússins!
Þegar maður er búin að fylgjast með spennandi námskeiðum hjá Salt eldhúsinu í þó nokkurn tíma þá freistast maður á endanum og maður getur alltaf lært eitthvað nýtt. Ég valdi að fara á námskeiðið í Jólahlaðborðinu hjá þeim þar sem við settum saman 10 rétta jólahlaðborð.
Fiðrildi.is - Ásdís Guðmundsdóttir
Fiðrildaferðir er ferðaskrifstofa stofnuð árið 2025 af Ásdísi þar sem hún leggur mikla áherslu á samfélags- og menningartengda ferðamennsku. Þetta hugtak vísar til ferðaþjónustu sem er þróuð af heimamönnum í samstarfi við samfélög á svæðinu og þar sem áhersla er á að virðisaukinn verði eftir á svæðinu.
Slow Food markaður í Flóru!
Slow Food heldur reglulega markaði hér og þar og hérna voru þau með markað í Flóru-grasagarðinum þann 27.september. Ég elska að líta á allsskonar matartengda markaði enda hefur matur og allt sem honum tengist verið eitt af mínum aðal áhugamálum frá unga aldri.
