Mosskógar í Mosfellsdal

August 21, 2021

Mosskógar í Mosfellsdal

Mosskógar 
Mosskógar eru staðsettir í Mosfelldalnum, sem er staðsett rétt  utan bæjarmörk höfuðborgarinnar á leið til Þingvalla en þar má finna þennan flotta markað sem er opinn á laugardögum frá 10-15.

Það er hann Jón Jónsson sem rekur staðinn ásamt henni Völu Ólafsdóttir unnustu sinni og hefur þeim tekist listavel upp með að bjóða upp á nýupptekið grænmeti ofl skemmtilegt.

Dásamlegur staður að heimasækja þegar uppskeran byrjar og alveg fram í október. Koma og næla sér í glænýtt grænmeti ofl girnilegt sem þar er á boðstólunum hjá þeim að hverju sinni. Þarna er líka hægt að kaupa sér falleg blóm, allsskonar sultur, glænýja bleikju og reykta líka beint úr Þingvallavatni og margt margt fleirra.

Hérna er hún Ólöf Björg Einarsdóttir sem býður upp á nýveidda Bleikju og Urriða úr Þinvallavatni, einnig taðreykta og birkireykta og er hægt er að kaupa af þeim líka á Heiðarbæ 1 í Grafninginum þess fyrir utan.

        
Þarna koma líka ýmsir aðilar og selja tilbúin mat ofl góðgæti en mér finnst mjög spennandi og að kynnast matarmenningu annarra þjóða.

Ég smakkaði gómsætt bakkelsi að hætti Kúrda en þar stóðu þeir Lawand og Othman vaktina með allsskonar heita rétti líka. 
      
Hún Anna Margrét Ólafsdóttir hjá AMO Crêpes var líka á staðnum með sýnar afurðir og þær ætla ég svo sannarlega að smakka næst en hún er þarna líka regluega ásamt því að vera á ýmsum hátíðum og viðburðum og svo tekur hún líka að sér að koma í matarboð og elda fyrir gestina með bæði Galetta (ósætum pönnukökum) sem aðalrétt og Crêpes (sætar pönnukökur) í desert. Hljómar dásamlega vel ekki satt. Facebook síðuna hennar má nálgast hérna.
        
Svo voru tvær konur með ljúffengan mat og bakkelsi frá Uganda sem var virkilega góður og mig hlakkar til að prufa eitthvað nýtt næst þegar ég á leið um en það mun ég svo sannarlega gera öðru hverju og fylla á ísskápinn minn af glænýju eðalgrænmeti  og fleirru góðmeti beint frá bónda.
      
Svo hitti ég hana Jónu Maríu en hún var að selja sínar dásamlegu Bliss kúlur sem eru vegan og sykurlausar og ég get sagt ykkur að ég er búin að gæða mér á tvemur tegundum hjá henni og get ekki beðið eftir því að smakka fleirri, þær rokka. (þær eru núna orðnar 4, namm namm)

Jón eigandi stendur vaktina í afgreiðslunni.

Þau eru með síðu á facebook sem hægt er að fylgjast með öllum þeirra viðburðum og eins er þarna skemmtilegt tjaldsvæði sem hefur nýlega allt verið endurnýjað. Sjá 
hér

Að Mosskógum er tjaldsvæðið opið frá 15.maí til 1.nóvember. 
Grænmetismarkaðurinn er líka alla laugardaga frá byrjun júlí fram í október en trjáplöntusalan er allt árið hjá þeim.

Ég mæli með heimsókn og að taka með sér körfu eða fjölnotapoka undir grænmetið sem er verslað er og annað gotterí.

Njótið og deilið áfram með gleði svo aðrir viti af þessum dásamlega markaði við borgarræturnar.

Texti & myndir
Ingunn Mjöll



Skildu eftir athugasemd


Einnig í Umfjallanir

Bíldudalur & Vegamót!
Bíldudalur & Vegamót!

May 19, 2022

Bíldudalur & Vegamót!
Ég mæli svo innilega með stoppi á Bíldudal þegar verið er á ferðalagi vestur á firði og snæða á Vegamótum hjá þeim Gísla & Önnu. Eina og besta veitingahúsið.

Halda áfram að lesa

Patró & Látrabjarg
Patró & Látrabjarg

May 10, 2022 2 Athugasemdir

Patró & Látrabjarg
Hátindur hafsins og alls ekki fyrir lofthrædda nema þá í fylgd með einhverjum til að halda í höndina á!

Halda áfram að lesa

Flatey á Breiðafirði
Flatey á Breiðafirði

May 07, 2022

Flatey, matarkista Breiðafjarðar
Hreint alveg dásamlegur staður að heimsækja en ég kom þarna með vinkonu og hundinum mínum í dagsferð 2014 og ákvað að koma aftur og lét nú verða að því og dvaldi á Hótel Flatey í tvær nætur, minna má það ekki vera.

Halda áfram að lesa